ကရင်နီ(ကယား)ပြည်နယ်၊ ဒီးမော့ဆိုမြို့နယ်ထူလိဘီလာ- ငွေတောင်ရွာသစ်တွင် တိုက်ပွဲ ပြင်းထန်နေကြောင်း ကရင်နီအမျိုးသားများကာကွယ်ရေးတပ် (KNDF B-19) ဒီးမော့ဆိုဇုန်က ထုတ်ပြန်သည်။
ထူလိဘီလာ- ငွေတောင်ရွာသစ်လမ်းမပေါ်မှတစ်ဆင့် အကြမ်းဖက် စစ်ကောင်စီတပ်မှ အိမ်စီးကားများအသုံးပြု၍ ၎င်းတို့ တပ်သားများကို ပို့ဆောင်ဖြတ်သန်းသွားလာသည့်အပြင် ထူလိဘီလာရွာအတွင်း ဝင်ရောက် မီးရှို့ခြင်းများ ပြုလုပ်နေသဖြင့် KNDF တပ်ရင်းများနှင့် တိုက်ပွဲ ဖြစ်ပွားနေခြင်းဟု ဆိုသည်။
“အဓိက ဖရူဆိုဘက်ကို သူတို့က အင်အားဖြည့်ပြီး နယ်မြေထောက်ချင်နေတာပေါ့။လောလော ဆယ်အထိတော့ တိုက်ပွဲရဲ့ အထိအခိုက်တော့ မသိရသေးဘူး”ဟု KNDF မှ တာဝန်ရှိသူတစ်ဦးက လူထုနွေဦးသို့ ပြောသည်။
ထို့ကြောင့် ပြည်သူများအနေဖြင့် ထူလိဘီလာ- ငွေတောင်ရွာသစ် လမ်းပိုင်းကို အသုံးမပြုရန် KNDF က မေတ္တာရပ်ခံသည်။
Public Service Announcement
