ရန်ကုန် မြို့တော်ဝန်သင်္ကြန်မဏ္ဍပ်အနီး ဗုံး​ပေါက်ကွဲ

▪️ပြင်းအား​ကောင်း​သော မိုင်းဖြင့်တိုက်ခိုက်ခဲ့ဟု Dark Shadow(YGN)အသိ​ပေး

ရန်ကုန်မြို့၊ မြို့တော်ဝန်သင်္ကြန်မဏ္ဍပ်အနီး ဗုံးပေါက်ကွဲမှုဖြစ်ပွားခဲ့ကြောင်း ဒေသခံများက People’s Spring သို့ ပြောသည်။

ယနေ့(ဧပြီ ၈ ရက်)ညနေ ၄ နာရီ မိနစ် ၂၀ခန့်က ပေါက်ကွဲမှု ဖြစ်စဥ်ကြောင့် ကျောက်တံတားမြို့နယ် ဆူးလေဘုရားလမ်းမပေါ် ၌ အကြမ်းဖက်စစ်ကောင်စီတပ်က Faw ကားတစီး ကန့်လန့်ဖြတ်လမ်းပိတ်ထားကြောင်းလည်း မျက်မြင်တွေ့ရှိသူများက ဆိုသည်။

“အခု ပန်းခြံရှေ့မှာ စခ နဲ့ ရခ တွေ အင်အား ၅၀ကျော်လောက်ရှိတယ်။ကားတွေလည်း ပေးမသွားတော့ဘူး”ဟု အခင်းဖြစ်ရာအနီးရှိ ဒေသခံတစ်ဦးက ပြောသည်။

Public Service Announcement

အဆိုပါ ​ဖောက်ခွဲတိုက်ခိုက်မှုမှာ ၎င်းတို့လက်ချက်ဖြစ်​ကြောင်း Dark Shadow(YGN)က အသိ​ပေးထား သည်။

အကြမ်းဖက်စစ်ကောင်စီက ပြည်သူများ အပေါ်မတရားဖမ်းဆီးသတ်ဖြတ်နေချိန်တွင် သင်္ကြန်ပျော်ပွဲ၊ရွှင်ပွဲပြု လုပ်ရန်စီစဥ်နေသော စစ်ကောင်စီထောက်ပို့ကားများနှင့်ဘန်ကာအနီးရှိ စစ်​ကောင်စီတပ်သားများအား ပြင်းအားကောင်းသော မိုင်းဖြင့် ဖောက်ခွဲတိုက်ခိုက်ခဲ့သည်ဟု မြို့ပြ​ပြောက်ကျား Dark Shadow (YGN)က အသိပေးသည်။

စစ်​​ကောင်စီတပ်သားများက ဗုံးကိုရှင်းလင်းရန်ပြင်ဆင်​နေချိန်တွင် ဗုံးကိုခွဲခဲ့ခြင်းဖြစ်ပြီး ထိ့ခိုက်​သေဆုံးမှုရှိနိုင်​ကြောင်းလည်း Dark Shadow အဖွဲ့မှတာဝန်ရှိသူတစ်ဦးက​ပြောသည်။ ထိုအပြင် ဗုံးတစ်လုံးကိုမူပြဘ်သူများထိ့ခိုက်မည်စိုး၍မခွဲခဲ့ဟုလည်းသိ့ရသည်။

“တစ်လုံးက ပြည်သူကို ညှာလိုက်တာ မခွဲပဲနဲ့”ဟု Dark Showအဖွဲ့ မှတာဝန်ရှိသူတစ်ဦးကပြောသည်။ အဖွဲ့ဝင်များ​ဘေးကင်း​ရာ​ရောက်ပြီဖြစ်ကြောင်းလည်း ၎င်းကဆက်​ပြောသည်။

ပြည်သူများအနေဖြင့် စစ်ကောင်စီ၏ ပျော်ပွဲ၊ရွှင်ပွဲများအားပါဝင်ခြင်းမပြုလုပ်ကျပါရန်နှင့် ပြည်သူများအနေဖြင့် တော်လှန်ရေးအင်အားပိုမိုကောင်းမွန်စေရန် ပြည်သူ့ကာကွယ်ရေးတပ်ဖွဲ့များနှင့် မြို့ပြ​ပြောက်ကျားတပ်ဖွဲ့များအား တော်လှန်ပါဝင်လှူဒါန်ပေးရန်၊ စစ်ကောင်စီ​ထောက်တိုင်အဖွဲ့အစည်းများ၊ဘန်ကာများနှင့် သက်ဆိုင် ရာအဆောက်အဦးများနှင့်ဝေးဝေးမှ ရှောင်ရှားသွားလာကြရန် တိုက်တွန်းထားသည်။

အလားတူ စစ်ကောင်စီ၏အတုအယောင် ဖန်တီးထားသော သင်္ကြန်မဏ္ဍပ်များကို တိုက်ခိုက်သွားမည်ဟု တော်လှန်ရေးအင်အားစုအချို့က သတိပေးထားပြီး ဖြစ်သည်။

ပေါက်ကွဲမှုဖြစ်စဥ်ကြောင့် ထိခိုက်ပျက်စီးမှုကို မသိရှိရသေးပဲ People’s Springမှ ဆက်လက်စုံစမ်းဆဲ ဖြစ်သည်။

အဆိုပါပေါက်ကွဲမူဖြစ်ပွားသည့်နေရာသည် စစ်ကောင်စီတပ်များက လုံခြုံရေးအထူးတင်းကြပ်ထားသည့်နေရာဖြစ်ပြီး ပြုလုပ်သည့် လူငယ်များကိုလည်း အလွန်သတ္တိရှိကြောင်း မျက်မြင်သက်သေတစ်ဦးကပြောသည်။