ကလေးမြို့ နတ်ချောင်းရွာအနီးတွင် ယမန့်နေ့(ဧပြီ၁၀ရက်)တိုက်ပွဲတွင် အကြမ်းဖက်စစ်ကောင်စီတပ်သား လေးဦး သေဆုံးခဲ့ပြီးနောက် အကြမ်းဖက်စစ်ကောင်စီတပ်က နတ်ချောင်းရွာကိုယနေ့ မီးရှို့နေကြောင်း ဒေသခံများကပြောသည်။
ကလေးမြို့နယ်တွင် ယမန်နေ့က မြို့ပေါ်တွင်ရော ၊မြို့နယ်အတွင်း၌ပါ တိုက်ပွဲ ၄ ကြိမ်ဖြစ်ပွားခဲ့ပြီး စစ်ကောင်စီတပ် ၁၂ ဦးသေဆုံးခဲ့ကြောင်း NUG နှင့် CDF (KKG )တို့ကထုတ်ပြန်ထားသည်။ထိုထဲမှ တိုက်ပွဲတစ်ခုမှာဒေသခံပြည်သူ့ကာကွယ်ရေးတပ်များနှင့် အကြမ်းဖက်စစ်ကောင်စီတပ်တို့ကြား ဧပြီ၁၀ရက် ညနေပိုငက ကလေးမြို့၊နတ်ချောင်းရွာတိုက်ပွဲဖြစ်ပွားခဲ့ပြီး အကြမ်းဖက်စစ်ကောင်စီတပ်သား ၄ ဦးသေဆုံးခဲ့သည်။ ထိုနောက် ယနေ့မနက်(ဧပြီ ၁၁ရက်) မနက်ပိုင်းတွင် နတ်ချောင်းရွာကို အကြမ်းဖက်စစ်ကောင်စီတပ်များက ရွာလုံးကျွတ်မီးရှို့နေခြင်းဖြစ်သည်။
“ရွာထဲမှာ ကျန်ခဲ့တဲ့ သူတွေရဲ့ ဖုန်းတွေကို သိမ်းထားတော့ အခြေအနေကို အသေးစိပ်မသိရဘူး။ အိမ်မီးလောင်တာကို အဝေးက ကြည့်နေရတယ်”ဟု ကလေးမြို့ခံတစ်ဦးကပြောသည်။
ယနေ့ မနက်ပိုင်းတွင် အကြမ်းဖက်စစ်ကောင်စီတပ်များက ရွာထဲသို့ ဝင်ရောက်လာပြီး ရွာသားအချို့ကိုပစ်သတ်ကာ နေအိမ်များကိုမီးရှို့ခဲ့ခြင်းဖြစ်သည်ဟုလည်း ၎င်းကဆက်ပြောသည်။ အကြမ်းဖက်စစ်ကောင်စီတပ်ဝင်ရောက်လာစဉ် ဒေသခံများက ဘုန်းကြီးကျောင်းတွင် ပုန်းခိုနေစဉ်စစ်ကောင်စီတပ်က ဝင်ရောက်စီးနင်းခဲ့ခြင်းဖြစ်သည်။ လက်ရှိတွင် အခြေအနေကို မသိရှိရသေးကြောင်း လည်းအထက်ပါဒေသခံကပြောသည်။
Public Service Announcement
ဧပြီ ၁၀ရက်ညနေ ၄နာရီခန့်က အကြမ်းဖက်စစ်ကောင်စီတပ်ကို CNDF၊ CDF(KKG)တို့ပါဝင်သည့် ဒေသခံကာကွယ်ရေးတပ်များက နတ်ချောင်းရွာအနီးတွင် ဝင်ရောက်တိုက်ခိုက်ခဲ့ရာ အကြမ်းဖက်စစ်ကောင်စီတပ်သား ၄ ဦးသေဆုံးခဲ့သည်။ထိုအပြင်ထိနေ့မနက် ပိုင်းတွင် ကလေးမြို့တောင်းပိုင်း ရန်ကြီးအောင်ရွာအနီးတွင် ကလေးမြို့သို့ ထွက်ခွာလာသည့် အင်အား ၁၄၀ခန့်ရှိသည့် စစ်ကောင်စီကို ဟဲလုပ်ရွာအနီးတွင် ဒေသခံကာကွယ်ရေးတပ်များက ခြုံခိုတိုက်ခိုက်ခဲ့ရာစစ်ကောင်စီတပ်သား ၄ဦးသေဆုံးခဲ့သည်။
အလားတူယမန်နေ့ မွန်းလွဲပိုင်းတွင် အကြမ်းဖက်စစ်ကောင်စီတပ်နှင့် ဒေသခံကာကွယ်ရေးတပ်တို့ကြား ပန်းမွန်ချောင်းအနီးတွင် တိုက်ပွဲဖြစ်ပွားရာ အကြမ်းဖက်စစ်ကောင်စီတပ်ဘက်မှာ ၂ နှစ်ဦးသေဆုံးခဲ့သည်။
ထိုအပြင် ကလေးမြို့ပေါ်ရှိတာဟန်ရပ်ကွက်မှ စစ်ကောင်စီဂိတ်နှင့် ကင်းလှည့်နေသော စစ်ကောင်စီတပ်ကို ကလေးခရိုင်PDF ကတိုက်ခိုက်ရာ ၂ ဦးသေဆုံးခဲ့ကြောင်း NUG ကာကွယ်ရေးဝန်ကြီးဌာနကထုတ်ပြန်သည်။
