ချင်းပြည်နယ် မင်းတပ် – မတူပီလမ်းတွင် ယနေ့နံနက်က တိုက်ပွဲဖြစ်ပွားခဲ့ရာ စစ်ကောင်စီတပ်မှ ဗိုလ်ကြီး အပါအဝင် ၈ဦးသေဆုံးခဲ့ကြောင်း မတူပီချင်းဒေသကာကွယ်ရေးတပ်(CDF)က သတင်းထုတ်ပြန်သည်။
ယနေ့(ဧပြီ ၂၀ရက်) နံနက်ပိုင်း ၁၀နာရီခွဲခန့်က မတူပီမြို့ အခြေစိုက် ခမရ(၃၀၄) တပ်ရင်းအောက်ဘက် မင်းတပ် – မတူပီလမ်းပေါ်ရှိ လည်မျိုချောင်းဆုံတွင် မတူပီ CDFနှင့် စစ်ကောင်စီတပ်ဖွဲ့ဝင်များ တိုက်ပွဲဖြစ်ခဲ့သည်ဟုဆို သည်။
အဆိုပါတိုက်ပွဲ၌ စစ်ကောင်စီတပ်မှ ဗိုလ်ကြီးအဆင့် အပါအဝင် ရှစ်ယောက်သေဆုံးပြီး ငါးဦးထက်မနည်း ဒဏ်ရာရခဲ့ကြောင်း ထုတ်ပြန်ခဲ့ပြီး မတူပီCDF ဘက်မှ အကျအဆုံးမရှိဟု ဖော်ပြထားသည်။
မတူပီမြို့နယ် ဗျူဟာတပ်ရင်းများမှာ မင်းတပ် – မတူပီ လမ်းပေါ်ရှိ မတူပီ CDF တပ်ရင်းနယ်မြေထဲသို့ စစ်အင်အားအလုံးအရင်းဖြင့် ဆက်လက် ဖြည့်တင်းနေ၍ တိုက်ပွဲများ ဆက်လက်ပြင်း ထန်လာနိုင်ကြောင်း အသိ ပေးထားသည်။
Public Service Announcement
ပြီးခဲ့သည့် မတ်လကုန်ပိုင်းကလည်း မင်းတပ်မှ မတူပီမြို့သို့ အင်အားဖြည့်ရန်လာသည့် စစ်ကောင်စီတပ် ယာဉ်တန်းနှင့် အဆိုပါ တပ်သွားကြို့သည့် မတူပီ အခြေစိုက်တပ်တို့ကို CDFက တိုက်ခိုက်ခဲ့ရာ စစ်ကောင်စီတပ်ဖွဲ့ဝင်များသေဆုံးထိခိုက်မှုရှိခဲ့သည်။
