စစ်တပ်က နေအိမ် ၆၀၀ ကျော်ကို မီးရှို့ဖျက်ဆီးခဲ့၊ PDFတစ်ဦးကျ နှစ်ဦးဒဏ်ရာရ
မြင်းမူမြို့နယ်တွင်း တိုက်ပွဲတွင် စစ်ကောင်စီတပ်မှ ၃၀ ခန့်သေဆုံးပြီး ၂၀ ကျော် ဒဏ်ရာပြင်းထန်စွာရရှိသွားကြောင်း GTR – MMU အဖွဲ့က ယနေ့(ဧပြီ ၃၀) ထုတ်ပြန်သည်။
ယမန်နေ့(ဧပြီ ၂၉)က မြင်းမူမြို့နယ် ထီးဆောင်း-အရာတော်လမ်းမကြီးအတိုင်း အင် အား ၄၀ ခန့်ပါ ၁၂ ဘီးကားဖြင့် စစ်ကြောင်းထိုးလာစဥ် နှစ်ဖက်ထိတွေ့တိုက်ပွဲ ဖြစ်ပွားခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
အဆိုပါ စစ်ကောင်စီတပ်စစ်ကြောင်း ခွက်ခွင်းနှင့် ငါကင်းကြားရောရှိစဥ် တို့GTR MMU၊ Myin Mu Defence Force -MMDF ၊ ZERO မြင်းခြံပျောက်ကျားတပ်ဖွဲ့ ၊ မြင်းခြံခရိုင် တပ်ရင်း (၆) – တပ်ခွဲ (၁) ငါန်းဇွန် Heros ၊ မြင်းခြံခရိုင် တပ်ရင်း(၆) -တပ်ခွဲ (၂) ငါန်းဇွန် Five Stars အဖွဲ့ ၅ ဖွဲ့မှ မိုင်းဆွဲခြင်း RPG ဖြင့်ထုခြင်း လက်နက်များဖြင့် အပြန်အလှန် ပစ်ခတ်မှုများဖြင့် ၂ နာရီခန့် အပြင်းအထန် တိုက်ပွဲဖြစ်ခဲ့သည်ဟု ထုတ်ပြန်သည်။
Public Service Announcement
တိုက်ခိုက်ခံရမှုကြောင့် စစ်ကောင်စီတပ်သား ၃၀ ခန့်သေဆုံးကာ ၂၀ ကျော်ဒဏ်ရာရခဲ့ပြီး ဒေသကာကွယ်ရေးတပ်ဖွဲ့များဘက်မှ မြင်းခြံ Zero ပြောက်ကျားတပ်၏ ဒုခေါင်းဆောင်တစ်ဦးကျဆုံးခဲ့ပြီး အခြားတပ်ဖွဲ့ဝင်နှစ်ဦး ဒဏ်ရာရရှိခဲ့သည်ဟု ဖော်ပြသည်။ နှစ်ဖက် သေဆုံးထိ့ခိုက်မှု အခြေအနေကို People’s Spring ကသီးခြားအတည်မပြုနိုင်သေးပါ။
ထို့နောက် စစ်ကောင်စီတပ်က ကန်တော်ရွာသို့ဝင်ရောက်ကာ နေရာလေးနေရာခွဲ၍ မီးရှို့ဖျက်ဆီးခဲ့သဖြင့် နေအိမ်အလုံး ၆၀၀ ကျော်ပျက်စီးခဲ့သည့်အပြင် ပြည်သူလေးဦးသေဆုံးခဲ့ပြီး နှစ်ဦးကို ဓားစာခံအဖြစ်ဖမ်းဆီးသွားကြောင်း GTR – MMU က အသိပေးထားသည်။
