တာမွေကသပိတ်စစ်ကြောင်းကို စစ်ကောင်စီက အရပ်ဝတ်ဖြင့်လာပြီးပစ်ခတ်ဖြိုခွင်း၊ လူငယ်အချို့ရိုက်နှက် ဖမ်းဆီးခံရ

ရန်ကုန်မြို့ တာမွေမြို့နယ် သဓိပဌာန်လမ်း၌ ပြုလုပ်သည့် စစ်အာဏာရှင်ဖြုတ်ချရေးသပိတ်ကို အာဏာသိမ်း စစ်ကောင်စီတပ်သားများက အရပ်ဝတ်ဖြင့်လာရောက်ပြီး သေနတ်ဖြင့်ပစ်ခတ်ဖြိုခွင်းရာ ဆန္ဒပြလူငယ်အချို့ ဖမ်းဆီးခံခဲ့ရသည်။

ယနေ့ညနေပိုင်းတွင် တကသကျောင်းသားများဦးဆောင်သော သပိတ်စစ်ကြောင်းမှာ စတင်ထွက်ခွာစဥ် ဖြိုခွင်း ဖမ်းဆီးခံရခြင်းဖြစ်သည်။ လူငယ်တစ်ဦးကို ဖမ်းဆီးခေါ်ဆောင်ရာတွင် စစ်သားသုံးဦးက ရိုက်နှက်နေသည်ကို တွေ့ရသည်။

ဆန္ဒပြလူငယ်အချို့ ဖမ်းဆီးခံရမှုရှိခဲ့ပြီး မည်မျှဖမ်းဆီးခံရသည်ကို မသိရသေးပေ။