တရုတ်ရဲ့သြဇာကြီးထွားမှုကိုတန်ပြန်နိုင်ဖို့အတွက် အာဆီယံဒေသတွင်းမှာ အမေရိကန် ဒေါ်လာ သန်း ၁၅၀ သုံးစွဲသွားမယ်လို့ အာဆီယံ ခေါင်းဆောင်တွေကို သမ္မတ ဘိုင်ဒန်က အမေရိကန် − အာဆီယံ ထိပ်သီးအစည်းအဝေးမှာအသိပေးလိုက်ပါတယ်။
အမေရိကန် ရဲ့ ဘဏ္ဍာရေးဆိုင်ရာကတိကဝတ်မှာ ဒေသတွင်း စွမ်းအင်ကဏ္ဍ ၊ရေကြောင်းဆိုင်ရာလုံခြုံရေး၊ ကိုဗစ်နောက်ဆက်တွဲကျန်းမာရေးကိစ္စ တွေမှာပါဝင်ပါတယ်။
စွမ်းအင်ကဏ္ဍ မှာ ကာဗွန်ဒိုင်အောက်ဆိုဒ်လျော့ကျရေးအတွက် ဒေါ်လာသန်း ၄၀ ၊ရေကြောင်း လုံခြုံရေးအတွက် ဒေါ်လာ ၆၀ သန်း နဲ့ ကိုဗစ် အတွက် ဒေါ်လာ ၁၅ သန်း အသီးသီး သုံးစွဲမယ်လို့သိထားရပါတယ်။
အာဆီယံ နိုင်ငံတွေရဲ့ ဒီဂျစ်တယ်စီးပွားရေးကဏ္ဍ နဲ့ AI ဆိုင်ရာဥပဒေကဏ္ဍအတွက် လည်း အမေရိကန်က ထောက်ပံ့ဖို့စီစဉ်ထားပါတယ်။
Public Service Announcement
အိမ်ဖြူတော်မှာ မနေ့က အာဆီယံ ခေါင်းဆောင်တွေနဲ့တွေ့ဆုံပြီးတဲ့နောက် သမ္မတ ဘိုင်ဒန်က အာဆီယံ ကိုအကူအညီပေးမယ့် အမေရိကန်ရဲ့ ကတိကဝတ်ကို ထပ်လောင်းပြောဆိုခဲ့ပါတယ်။
ထိပ်သီးတွေ့ဆုံပွဲမှာ အာဆီယံ ဒေသ လုံခြုံရေး ၊ဖွံ့ဖြိုးတိုးတက်ရေးနဲ့ လူ့အခွင့်အရေး ကိစ္စရပ်တွေကို အလေးထားဆွေးနွေးခဲ့တယ်လို့ သမ္မတဘိုင်ဒန်က သူရဲ့ေ့ဖ့ဘွတ်ခ်က နေအသိပေးထားပါတယ်။
