ပုလဲတွင်စစ်​ကောင်စီယာဥ်တန်းကို နှစ်ကြိမ်မိုင်းဆွဲတိုက်ခိုက်ရာ အနည်းဆုံး ၅ ဦး​သေဟု ဗိုလ်နဂါး​ပြော

စစ်ကိုင်းတိုင်း ၊ ပုလဲ မြို့နယ် တွင် စစ်ကောင်စီ စစ်ကြောင်းကို နှစ်ကြိမ် မိုင်းဆွဲတိုက်ခိုက်ရာ အနည်းဆုံး ငါးဦးသေဆုံးကြောင်းမြန်မာ့တော် ဝင်နဂါးတပ်တော(M.R.D.A)က ယနေ့ (မေ ၁၃ ရက်)တွင် ထုတ်ပြန်သည်။

တိုက်ခိုက်မှုဖြစ်စဥ်များမှာ ယမန်နေ့ (မေ ၁၂ ရက်) နံနက် ၁၁ နာရီခွဲခန့်၌ လက်ပုကန်ကျေးရွာ အရှေ့ဘက်အနီးတွင် ပုလဲမြို့မှ ထွက်ခွာလာသော အကြမ်းဖက်စစ်ကောင်စီလမ်းကြောင်းကို မိုင်းဆွဲတိုက်ခိုက်ခဲ့ရာ ၅ ဦး​သေဆုံးခဲ့သည်ဟုပါရှိသည်။

ထို့စစ်ကြောင်းကိုပင် ပုလဲမြို့နယ်၊ အိုင်းမကုန်းကျေးရွာမြောက်ဘက်အနီးတွင် ညနေ ၃ နာရီခွဲခန့်၌ ထပ်မံမိုင်းဆွဲခဲ့ရာ စစ်ကောင်စီတပ်သားများ စီးနင်းလာသည့် ကားတစ်စီးမှာ တစ်ခြမ်းလုံးထိခိုက်ပျက်စီးခဲ့ကာ ဇီးဖြူကုန်းပျူစခန်းမှ စစ်ကူများထွက်၍ ဖောကားဖြင့် ချိတ်ဆွဲသွားခဲ့ရဟုလည်း ဖော်ပြသည်။

“ဟိုတနေ့က ဇီးဖြူကုန်းစခန်းကို ဝင်တိုက်တော့ တော်တော်များများသေတယ်လို့သိရတယ်။အဲဒါကြောင့် အခုရက်ပိုင်း မုံရွာနမခ(အ​နောက်​​မြောက်တိုင်းစစ်ဌာနချုပ်) ကနေ တပ်ကူလာတဲ့ စစ်ကားတွေက ပုလဲထဲကိုရောက်လာတာ။ဒါကို MRDA အနေနဲ့ ကြိုတင်စောင့်ဆိုင်း တိုက်ခိုက်ခဲ့တာ”ဟု MRDA ဦးဆောင်သူ ဗိုလ်နဂါးက People’s Spring သို့ ပြောသည်။

Public Service Announcement

ထိတွေ့မှုနှစ်ကြိမ်တွင် မြန်မာ့တော်ဝင်နဂါးတပ်တော်(M.R.D.A) မှ နဂါးစစ်သည်များ ဘေးကင်းစွာ ဆုတ်ခွာနိုင်ခဲ့ကြောင်းလည်းပါရှိသည်။

ယခုလ ၁၀ ရက်နေ့ကလည်း ပုလဲမြို့နယ်၊ဇီးဖြူကုန်းရွာတွင် တပ်စွဲထားသည့် စစ်ကောင်စီနှင့် ပျူစောထီးစခန်းကို ဝင်ရောက်စီးနင်းရာ အနည်းဆုံး ၂၀ ဦးခန့်သေဆုံးကြောင်း MRDA က ထုတ်ပြန်ထားသည်။