ကရင်နီ(ကယား)ပြည်နယ်၊ ဒီးမော့ဆိုမြို့မစျေးအနီး တိုက်ပွဲဖြစ်ပွားရာ စစ်ကောင်စီတပ်သား သုံးဦးသေဆုံးကြောင်း ကရင်နီအမျိုးသားများကာကွယ်ရေးတပ်(KNDF) တပ်ရင်း(၁၉)က ထုတ်ပြန်သည်။
ယနေ့(မေ ၁၇ ရက်)က ဒီးမော့ဆိုမြို့မရဲစခန်းမှ ကင်းထောက်ထွက်လာသော စစ်ကောင်စီတပ်နှင့် နံနက်၁၀ နာရီ မှ ၁၂ နာရီခွဲခန့်အထိ ထိတွေ့တိုက်ပွဲဖြစ်ပွားခဲ့သည်ဟု ဆိုသည်။
အလားတူ ဖရူဆိုမြို့နယ်၌ ယခုလ ၁၄ရက်က တိုက်ပွဲတွင်လည်း စစ်ကောင်စီတပ်မှ သုံးဦးခန့်သေဆုံးကြောင်းလည်း KNDF တပ်ရင်း(၁၆)က ယနေ့ ထုတ်ပြန်ထား သည်။
တိုက်ပွဲအတွင်း ကျည်၊ခဲယမ်းအချို့ကိုသိမ်း ဆည်းရရှိခဲ့ပြီး ရဲဘော်တစ်ဦး ထိခိုက်ဒဏ်ရာရရှိခဲ့သည်ဟု အသိပေးသည်။
Public Service Announcement
ယနေ့တွင်လည်း ကရင်နီ(ကယား)-ရှမ်းပြည် နယ်အစပ် တွင် စစ်ကြောင်းထိုးနေသည့် စစ်ကောင်စီတပ်ကို KNDF နှင့် ဒေသခံကာကွယ် ရေးတပ်ဖွဲ့များ ကာကွယ်ရေးတပ်များ ပူးပေါင်းတိုက်ခိုက်နေသည်။
