မြ၀တီမြို့မှာ သောင်ရင်းမြစ်ရေ ထပ်တက်လာနိုင်လို့ မြစ်ကမ်းအနီးနဲ့ အနိမ့်ပိုင်းနေသူတွေ အထူးသတိပြုကြဖို့ မိုးလေဝသနဲ့ ဇလဗေဒညွန်ကြားမှုဦးစီးဌာနက ထပ်မံ အသိပေးထားပါတယ်။
သောင်ရင်းမြစ်ဟာ မြ၀တီမြို့မှာ စိုးရိမ်ရေမှတ်ထက် ကျော်လွန်ရောက်ရှိနေပြီး ဒီကနေ့ မနက် ၁၀ နာရီခွဲတိုင်းတာချက်အရ သောင်ရင်းမြစ်ရေဟာ စိုးရိမ်ရေမှတ်အထက် ၁ ပေခွဲခန့် ကျော်လွန်ရောက်ရှိနေတာပါ။
နောက် ၁ ရက်အတွင်း ၂ ပေခန့် ဆက်လက်တက်လာနိုင်တာကြောင့် မြစ်ကမ်းအနီးနဲ့ အနိမ့်ပိုင်းနေရာတွေမှာ အထူးသတိပြုနေထိုင်ကြဖို့ မိုးဇလက အသိပေးထားတာဖြစ်ပါတယ်။
“ဒီကနေ့မနက် မြ၀တီသောင်ရင်းမြစ် ရေထပ်တိုးလာတယ် ။ မြစ်ကမ်းအနီးနဲ့ အနိမ့်ပိုင်းနေသူတွေ သတိပြုကြဖို့ပါပဲ” လို့ ကရင်ပြည်နယ် မိုးဇလတာဝန်ရှိသူက အသိပေးထားပါတယ်။
Public Service Announcement
မြ၀တီမြို့မှာ ပြီးခဲ့တဲ့ ဇူလိုင်လကုန်ပိုင်းက စိုးရိမ်ရေမှတ်ထက် ၁၀ ခွဲကျော် ကျော်လွန်ရောက်ရှိပြီး ရေကြီးရေလျှံမှုဖြစ်ခဲ့တာကြောင့် ရေဘေးသင့်သူ ထောင်ချီခန့်ရှိနေပြီး ရေဘေးရှောင်စခန်းတွေမှာ ပြောင်းရွှေ့နေထိုင်ရတာပါ။
