'/%3E%3C/svg%3E){kind=small}
စစ်ကိုင်းတိုင်း၊ မုံရွာ-မန္တလေးလမ်းမကြီး၏မုံရွာ-ချောင်းဦးလမ်းပိုင်းနှင့် ခင်ဦးမြို့နယ်အတွင်းရှိ လမ်းပိုင်းများအားလုံးအား ဖြတ်သန်းသွားလာခြင်းမပြုကြရန် ဒေသတွင်းပြည်သူ့ကာကွယ်ရေးအဖွဲ့များက သတိပေးကြေညာသည်။
ပြည်သူများအနေဖြင့် ယခုရက်ပိုင်း ခင်ဦးလမ်းပိုင်အားလုံး အသုံးမပြုကြပါရန်နှင့် လမ်းပိုင်းအားလုံး သွားလာခြင်း ခေတ္တ ရပ်နားထားပေးကြပါရန် အထူး မေတ္တာရပ်ခံကြောင်း ခင်ဦးပြည်သူကာကွယ်ရေးတပ်ဖွဲ့က ထုတ်ပြန်သည်။
ယမန်နေ့က ခင်ဦးမြို့နယ်အတွင်း အကြမ်းဖက်စစ်တပ်နှင့်ရဲတပ်ဖွဲ့ဝင်များ လိုက်ပါလာသည့်ယာဥ်တစ်စီးကို ဒေသတွင်းပြည်သူ့ကာကွယ်ရေးအဖွဲ့များက တိုက်ခိုက်ခဲ့ရာ ဒုရဲမှူးတစ်ဦးအပါအဝင် ၁၄ ဦးသေဆုံးခဲ့သည်။ ထို့နောက်ယနေ့တွင် အကြမ်းဖက်စစ်တပ်က ခင်ဦးနယ်အတွင်း ကျေးရွာများသို့ အကြမ်းဖက်ဝင်ရောက်ဖျက်ဆီးမှုများ ပြုလုပ်နေပြီး ကိုးတန်းကျောင်းသားတစ်ဦးသတ်ဖြတ်ခံထားရကြောင်း ဒေသခံများက ပြောသည်။
အလားတူ မုံရွာ – မန္တလေးလမ်းမကြီး၏ မုံရွာ-ချောင်းဦးလမ်းပိုင်းတွင် ယနေ့ ဇွန်လ၂၃ရက် နေ့လယ်ပိုင်းမှစ၍ အကြမ်းဖက်စစ်ကောင်စီတပ်များ ခပ်စိပ်စိပ် လှုပ်ရှားနေကြောင်း၊ သို့ဖြစ်ပါ၍ ယနေ့ညပိုင်းမှ နံနက်ဖြန် နံနက် ၅ နာရီမတိုင်ခင်အထိမည်သည့်ယာဉ်၊ မည်သည့်အကြောင်း
ပြချက်နှင့်မျှ မည်သူတစ်ဦးတစ်ယာက်မျှဖြတ်သန်းသွားလာခြင်းမပြုကြရန် PDFSouth Monywaက သတိပေးသည်။
Public Service Announcement
ထိခိုက်နစ်နာမှုများရှိလာပါက တာဝန်ယူပေးနိုင်မည်မဟုတ်ကြောင်းPDFSouth Monywaက ပြောသည်။
မုံရွာတစ်ဖက်ကမ်း ဆားလင်းကြီးမြို့နယ်၊ လက်ပန်းတောင်းတောင်ကြေးနီစီမံကိန်း(တရုတ်ဝမ်ပေါင်လုပ်ငန်း)ဆိုက်တွင်လည်း အကြမ်းဖက်စစ်တပ်နှင့် ဒေသတွင်းပြည်သူ့ကာကွယ်ရေးအဖွဲ့များ တိုက်ပွဲများဖြစ်ပွားနေသည်။
