ကိုဗစ်ကာကွယ်ဆေးအတွက် စာရင်းအမြန်ပေးဖို့ ရုပ်ရှင်အစည်းအရုံး ကြေညာ

ရုပ်ရှင်အစည်းအရုံးဝင်တွေနဲ့ မိသားစုတွေကို ကိုဗစ်ကာကွယ်ဆေး ထိုးပေးမှာဖြစ်လို့ ကာကွယ်ဆေးထိုးမယ့်သူတွေ အမြန်စာရင်းပေးဖို့ ရုပ်ရှင်အစည်းအရုံးက ဩဂုတ် ၁၀ ရက်မှာ သတင်းထုတ်ပြန်လိုက်ပါတယ်။

ကိုဗစ် တတိယလှိုင်းမှာ အလွှာအသီးသီးက ရုပ်ရှင်လောကသားတွေ အသက်ဆုံးရှုံးတာတွေ ကြုံနေရလို့ အစည်းအရုံးအနေနဲ့ အသက်သေဆုံးမှ ထောက်ပံ့ကြေးပေးတာထက် ထိရောက်တဲ့ ဆောင်ရွက်မှုတွေလုပ်ဖို့ ရုပ်ရှင်လောကသားတွေက တောင်းဆိုထားပါတယ်။

ရုပ်ရှင်အစည်းအရုံးမှာ ရန်ပုံငွေ အမြောက်အမြားရှိတာကြောင့် အဲဒီငွေတွေကို လက်ရှိအချိန်မှာ အသုံးပြုသင့်တယ်လို့ လောကသားတွေကထောက်ပြထားပါတယ်။

ကိုဗစ် တတိယလှိုင်းကာလအတွင်း အစည်းအရုံးအနေနဲ့ ရုပ်ရှင်၊ သဘင်၊ ဂီတ စာ​ပေအနုပညာရှင်တွေ ဆေးရုံတတ်ရောက်ဖို့လိုရင် ရုံးအဖွဲ့မှုးကို ဆက်သွယ်နိုင်တယ်လို့ ဇူလိုင် ၃၀ ရက်ကညထုတ်ပြန်ထားတာကလွဲလို့ အခြားကူညီဆောင်ရွက် မှုတွေမတွေ့ရပါဘူး။

Public Service Announcement

ဒါ့အပြင် ပြီးခဲ့တဲ့လအတွင်းကလည်း ကိုဗစ် ရောဂါ ကာကွယ်ရေး ထိန်းချုပ်ရေးစည်း ကမ်းချက်တွေနဲ့အညီ လူ ၃၀ ထက်မပိုဘဲ ရိုက်ကူးရေးပြုလုပ်နိုင်တယ်လို့ စစ်ကောင်စီပြန်ကြားရေးဝန်ကြီးဌာနက ကြညာတဲ့စာကို ပြန်တင်ခဲ့ရာမှာ ဝေဖန်တာတွကြုံရလို့ စာကို အသင်းဖေ့စ်ဘွတ်ခ်စာမျက်နှာကနေ ပြန်ဖြုတ်ချသွားခဲ့ပါတယ်။

အခုလည်း ပြည်သူနဲ့အတူရပ်တည်တဲ့အနုပညာရှင်တွေကို စစ်ကောင်စီက မတရားပုဒ်မတွေတပ်ဖမ်းဆီးတာ ဝရမ်းထုတ်တာတွေလုပ်ထားချိန်မှာ စစ်ကောင်စီထိုးပေးမယ့်ကာကွယ်ဆေးကို ထိုးပေးမယ်လို့ ကြေညာတဲ့အပေါ်လောကသားတွေဘယ်လို တုန့်ပြန်မယ်ဆိုတာကို စောင့်ကြည့်ရမှာပဲ ဖြစ်ပါတယ်။