စစ်ကောင်စီတပ် ခုနစ်ဦးထက်မနည်းသေ
စစ်ကောင်စီတပ် ခုနစ်ဦးထက်မနည်းသေကလေးမြို့နယ်တောင်ပိုင်း သာယာကုန်းကျေးရွာ GTC ကျောင်းအတွင်း တပ်စွဲထားသည့် စစ်ကောင်စီတပ်မှ အင်အား ၁၅၀ ခန့်နှင့် ကလေး PDFတပ်ရင်းများ ထိတွေ့တိုက်ပွဲ နှစ်ရက်ဆက်တိုက်ဖြစ်ပွားပြီး စစ်ကောင်စီတပ်မှ ခုနစ်ဦးထက်မနည်း သေဆုံးသွားကြောင်း ထုတ်ပြန်သည်။
ထိတွေ့တိုက်ပွဲများတွင် သြဂုတ် ၈ ရက်က သာယာကုန်းရွာမှထွက်လာသော စစ်ကောင်စီတပ်စစ်ကြောင်းကို ယင်းနေ့မွန်းတည့် ၁၂ နာရီခန့်က ကျွန်းချောင်းရွာနှင့် အနောက်စံသာရွာကြားတွင် ကလေး PDFမှ တပ်ရင်း (၃)၊ တပ်ရင်း (၆)၊ တပ်ရင်း (၈)၊ တပ်ရင်း (၁၂)နှင့် CDF-KKG တပ်ဖွဲ့များက ကြားဖြတ်တိုက်ခိုက်ခဲ့ကြောင်း ဖော်ပြသည်။
အဆိုပါတိုက်ခိုက်မှုတွင် အပြန်အလှန်ပစ်ခတ်မှု နာရီဝက်ကျော်ကြာဖြစ်ပွားခဲ့ပြီး စစ်ကောင်စီတပ်မှ လေးဦးထက်မနည်းသေဆုံးကာ ကလေး PDFနှင့် ပူးပေါင်းတပ်များ အထိအခိုက်မရှိဆုတ်ခွာနိုင်ခဲ့ကြောင်း ဖော်ပြသည်။
အလားတူ အဆိုပါစစ်ကြောင်းသည် အထက်ပါတိုက်ပွဲဖြစ်ပွားပြီး (၅)ရက်ခန့်အကြာ သြဂုတ် ၁၂ ရက် နံနက် ၁၁ နာရီခန့်တွင် သာယာကုန်းနှင့် (၁၀)မိုင်ခန့်ဝေးသော ချောင်းခွရွာဘက်ရောက်ရှိလာရာ PDF မှ တပ်ရင်းများနှင့် မဟာမိတ်အဖွဲ့တို့က ကြားဖြတ်တိုက်ခိုက်ခဲ့သည်ဟု ဆိုသည်။
Public Service Announcement
ယင်းတိုက်ပွဲမှာ မနက် ၁၁ နာရီမှ ညနေ ၅ နာရီခန့်အထိ တိုက်ပွဲပြင်းထန်ခဲ့ပြီး စစ်ကောင်စီတပ်မှ အနည်းဆုံးသုံးဦးသေဆုံးကာ PDF တပ်ရင်းများနှင့် မဟာ မိတ်ပူးပေါင်းတပ်မှ ရဲဘော်များ အထိအခိုက်မရှိ ပြန်ဆုတ်နိုင်ခဲ့ကြောင်း ဖော်ပြသည်။
ထိတွေ့တိုက်ပွဲဖြစ်ပွားသည့် သြဂုတ် ၁၂ ရက်ညနေပိုင်းတွင် အကြမ်းဖက်စစ်ကောင်စီတပ်က ချောင်းခွရွာထဲမီးရှို့ဖျက်ဆီးခဲ့ရာ နေအိမ် (၁၂)လုံး မီးလောင်ဆုံးရှုံးခဲ့ပြီး ယင်းစစ်ကြောင်းမှာ သြဂုတ် ၁၃ ရက်မနေ့က ကလေးမြို့နယ်တောင်ပိုင်းသို့ ဆက်လက်ဦးတည်သွားကြောင်း ထုတ်ပြန်ထားသည်။
