စစ်ကိုင်းတိုင်း၊ စစ်ကိုင်းပြည်သူ့ကာကွယ်ရေးတပ်၊စစ်ကိုင်း ခရိုင်တပ်ရင်း(၃)တပ်ဖွဲ့ဝင် ရဲဘော်နစ် ဦး တိုက်ပွဲတစ်ခုတွင် ကျဆုံးခဲ့ကြောင်း အဆိုပါတပ်က ယနေ့ (သြဂုတ်၁၇ ရက်)တွင် သတင်းထုတ်ပြန်သည်။
စစ်ကိုင်းခရိုင်တပ်ရင်း(၃)တွင် တပ်ခွဲမှူးတာဝန်ထမ်းဆောင်ခဲ့သူ စစ်ကိုင်း သမဝါမတက္ကသိုလ် ကျောင်းသား ရဲဘော်မင်းဒင်နှင့် ရဲဘော်မြတ်မင်းတို့သည် သြဂုတ်လ ၁၅ ရက်က စစ်ကိုင်းတိုင်းတွင်းတစ်နေရာတွင် ဖြစ်ပွားခဲ့သည့် စစ်ကောင်စီနှင့် ထိတွေ့တိုက်ပွားတွင် ကျဆုံးခဲ့ခြင်းဖြစ်ကြောင်း တပ်ရင်း (၃)က အသိပေးသည်။
၎င်းရဲဘော်နှစ်ဦးသည် စစ်အာဏာရှင်စနစ်ချုပ်ငြိမ်းရေးနှင့် ဖက်ဒရယ်ပြည်ထောင်စုတည်ဆောက် ရေးတို့အတွက် အသက်ကိုပေးလှူသွားခဲ့ကြခြင်းဖြစ်ကြောင်း၊ ထိုတိုက်ပွဲတွင် စစ်ကောင်စီတပ်ဘက်ကလည်း ထိခိုက်မှုရှိပြီး အသေးစိတ်အားစုံစမ်းနေကြောင်း စစ်ကိုင်းခရိုင်တပ်ရင်း(၃)၏ ထုတ်ပြန်ချက်တွင် ဖော်ပြထားသည်။
ယနေ့(သြဂုတ်၁၇ရက်) နံနက်ခင်းပိုင်းကလည်း စစ်ကိုင်းမြို့၊ ရတနာပုံတံတားစစ်ဆေးရေးဂိတ်၌ အကြမ်းဖက်စစ်တပ်နှင့် Express ယာဥ်ပေါ်ပါ PDFအချို့ အပြန်အလှန်ပစ်ခတ်မှု ဖြစ်ပွားခဲ့ပြီး နှစ်ဖက်ထိခိုက်မှုနှင့် ပြည်သူအချို့ပါ ထိခိုက်ခဲ့သည်။
Public Service Announcement
