ဂန့်ဂေါ – ကလေးလမ်းပိုင်း၌ စစ်ကောင်စီယာဉ်တန်းတိုက်ခိုက်ခံရ၍ ထိခိုက်သေဆုံးမှုများ

ဂန့်ဂေါနှင့် ကလေး လမ်းတွင် စစ်ကောင်စီယာဉ်တန်း တိုက်ခိုက်ခံရ၍ စစ်ကောင်စီတပ်ဖွဲ့ဝင် ၃၀ ကျော် သေဆုံးနိုင်ကြောင်း ဒေသခံတစ်ဦးက ပြောသည်။

ဩဂုတ် ၁၈ရက် ညနေပိုင်းက အဆိုပါ လမ်းပိုင်း၌ စစ်ကောင်စီယာဉ်တန်းကို ယောဒေသ ပြည်သူ့ကာကွယ်ရေးတပ်ဖွဲ့က မိုင်းဆွဲတိုက်ခိုက်ခဲ့ခြင်းကြောင့် သေဆုံးဒဏ်ရာရသူများပြားခဲ့ကြောင်း ရေးသားဖော်ပြမှုများနှင့်ပတ်သက်၍ ဒေသခံက အထက်ပါအတိုင်းပြောသည်။

“ကျွန်တော်တို့လည်း အဲဒီသတင်းတော့ သိတယ်။ စစ် ကားနှစ်စီး ထိပြီးတော့ ကားပေါ်ပါတဲ့ စစ်သား တွေသေတယ်လို့ ပြောတယ်။ အားလုံး ၃၀ကျော်မယ်လို့ ပြောတယ် အသေးစိတ်တော့ မသိရဘူး” ဟု ဒေသခံက ပြောသည်။

ဂန့်ဂေါအပါအဝင် ယောဒေသ၌ အာဏာသိမ်းစစ်ကောင်စီတပ်ကို ခုခံရန် ဖွဲ့စည်းထားသည့် ပြည်သူ့ကာကွယ်ရေးတပ်ဖွဲ့ (PDF)အများအပြားရှိသည်။

Public Service Announcement

ဂန့်ဂေါ PDF က ဩဂုတ် ၁၇ရက်က ကြေညာချက်ထုတ်ပြန်ထားရာ စစ်အုပ်စု၏ လှုပ်ရှားသွားလာမှု များအပေါ်မူတည်၍ အချိန်နေရာမရွေး တိုက်ပွဲများ ဖြစ်ပွားနိုင်၍ ပြည်သူများ ဘေးကင်းလုံခြုံရေးအတွက် ည ၈နာရီမှ ၆နာရီအတွင်း မည်သည့် ကား၊ ဆိုင်ကယ်မှ ဖြတ်သန်းသွားလာခြင်းမပြုရန် မေတ္တာရပ်ခံထားသည်။