'/%3E%3C/svg%3E){kind=small}
တနင်္သာရီမြို့၊ ကော့မပြင်းကျေးရွာတွင် စစ်ကောင်စီတပ်နှင့် တိုက်ပွဲဖြစ်ပွားကာ စစ်ကောင်စီတပ်သား ငါးဦးသေဆုံးပြီး PDF ရဲဘော်နှစ်ဦးကျဆုံးခဲ့သည်ဟု တနင်္သာရီမြို့နယ်၊ ပြည်သူ့ကာကွယ်ရေးအဖွဲ့က သတင်းထုတ်ပြန်သည်။
တိုက်ပွဲသည် ဩဂုတ် ၁၉ ရက်နှင့် ၂၀ ရက်တို့တွင် (၇)ကြိမ်ဖြစ်ပွားခဲ့ပြီး စစ်ကောင်စီတပ်မှ ဒေသခံကာကွယ်ရေးတပ်များစီကို ထိုးစစ်ဆင်လာခြင်းကြောင့် ယခုလို တိုက်ပွဲဖြစ်ပွားရခြင်းဟု ထုတ်ပြန်သည်။
အဆိုပါ တိုက်ပွဲတွင် စစ်ကောင်စီတပ်သား ငါးဦးသေဆုံးပြီး PDF ရဲဘော်နှစ်ဦးကျဆုံးကာ သုံးဦး ဒဏ်ရာရရှိခဲ့သည်ဟု တနင်္သာရီမြို့နယ်၊ ပြည်သူ့ကာကွယ်ရေးအဖွဲ့က ထပ်မံထုတ်ပြန်သည်။
ဒဏ်ရာရရှိသည့် PDF သုံးဦးမှာလည်း အချိန်မီ ကုသပေးနိုင်ခြင်းကြောင့် အသက်အန္တရာယ် စိုးရိမ်မရှိတော့ကြောင်းနှင့် လွတ်မြောက်နယ်မြေကို ရောက်ရှိနေပြီဖြစ်သည်ဟုလည်း ဒေသခံကာကွယ်ရေးတပ်များနှင့်နီးစပ်သူများက ပြောသည်။
Public Service Announcement
ယင်း တိုက်ပွဲကို တောင်ပိုင်းသူရဲကောင်းများအင်အားစု(SWDF) ၊ဘက်မလိုက်ပျောက်ကြားဖွဲ့နှင့် နယ်မြေခံကာကွယ်ရေးဖွဲ့တို့အတူ ပူးပေါင်းတိုက်ခိုက်ခဲ့ခြင်းဖြစ်သည်။
