BGF လေးဦးသေပြီး လက်နက်သုံးလက်နှင့် ကျည်ခဲယမ်းများ သိမ်းဆည်းရမိ
BGF လေးဦးသေပြီး လက်နက်သုံးလက်နှင့် ကျည်ခဲယမ်းများ သိမ်းဆည်းရမိစစ်ကောင်စီ လက်အောက်ခံ နယ်ခြားစောင့်တပ် (BGF)၏ တပ်စခန်းတစ်ခုကို ဩဂုတ် ၂၂ရက်က ဝင်ရောက်သိမ်းပိုက်နိုင်ခဲ့ကြောင်း ကရင်အမျိုးသားအစည်းအရုံး(KNU) တပ်မဟာ(၅)က သတင်းထုတ်ပြန်သည်။
KNU တပ်မဟာ(၅) တပ်ဖွဲ့ဝင်များသည် ဒွယ်လိုးမြို့နယ်ရှိ ဘောကျုံ့ထာ့ စခန်းငယ် ကို သိမ်းပိုက်နိုင်ခဲ့ ခြင်းဖြစ်သည်ဟု ဒေသတွင်း တာဝန်ရှိ အရာရှိတစ်ဦးကို ကိုးကား ဖော်ပြသည်။
အဆိုပါ စခန်းသိမ်းတိုက်ပွဲ၌ BGF တပ်သား လေးဦးသေဆုံးပြီး နှစ်ဦး ဒဏ်ရာရရှိခဲ့ကြောင်း၊ M-16 ၂လက်၊ AK-47 ၁လက်၊ စကားပြောစက် ၂လုံး၊ လက်ပစ်ဗုံး ၆လုံး၊ RPG-7 ကျည် ၄လုံးနှင့် M-16၊ AK-47 ကျည်ဘောက်များ သိမ်းဆည်းရရှိခဲ့သည်ဟု ထုတ်ပြန်သည်။
စစ်ကောင်စီလက်အောက်ခံ BGF (၁၀၁၃)မှ ဗိုလ်လှကြိုင်သည် ဩဂုတ် ၂၀ရက်က ဒွယ်လိုးမြို့နယ် ကတိုင်တိနှင့် လေးဖိုးထာ့ ကျေးရွာအုပ်စုရှိ ကတိုင်တိ၊ ကိုင်းတော၊ ဘောကျုံ့ထာ့၊ တောသူးကလား နှင့် ဘောကျုံ့လယ် ကျေးရွာသား ၅၀၀ ခန့်အား ကမမောင်းမြို့တွင် အတင်းအဓမ္မ မှတ်ပုံတင် သွားရောက် ရိုက်ယူစေခဲ့ကြောင်း၊ လူတစ်ဦးလျင် ကျပ်သုံးသိန်း တောင်းယူခဲ့ကြောင်း တပ်မဟာ(၅)၏ ထုတ်ပြန်ချက် ၌ ဖော်ပြထားသည်။
Public Service Announcement
