ရေစကြိုမြို့နယ်ရှိ နယ်မြေရဲစခန်းတစ်ခုအပါအဝင် နေရာ ၃ခုကို ဗုံးခွဲတိုက်ခိုက်ခဲ့ကြောင်း ရေစကြို ပြည်သူ့ကာကွယ်ရေးတပ်ဖွဲ့(PDF)က ယနေ့ ထုတ်ပြန်သည်။
ရေစကြိုမြို့နယ်ထွေအုပ်ရုံးအနီးရှိ မြို့နယ်လျှပ်စစ်ရုံး၊ ပခန်းကြီးနယ်မြေရဲစခန်းနှင့် အခြားနေရာ တစ်ခုအပါ အဝင် နေရာ ၃နေရာကို ဗုံးခွဲတိုက်ခိုက်ခဲ့သည်ဟု ဆိုသည်။ အဆိုပါ တိုက်ခိုက်မှုကြောင့် ထိခိုက်ပျက်စီးမှု အခြေအနေများကို ဖော်ပြမထားပေ။
ရေစကြို PDF သည် ပြီးခဲ့သည့် ရက်ပိုင်းကပင် စစ်ကောင်စီတပ်၏ ဝင်ရောက်စီးနင်းတိုက်ခိုက်မှုကြောင့် တပ်စခန်း တစ်ခု မီးရှို့ဖျက်ဆီးခံခဲ့ရသည်။ ဩဂုတ် ၁၉ရက်တွင် စစ်ကောင်စီတပ်က PDF စခန်းကို ဝင်ရောက်စီးနင်းပြီးလက်နက်အချို့ရရှိသွားသည်။
သို့ရာတွင် PDF တပ်ဖွဲ့ဝင်များ ကျဆုံးမှု၊ ဖမ်းဆီးခံရမှု မရှိကြောင်း ရေစကြို PDFက ထုတ်ပြန်ထားသည်။ စစ်ကောင်စီတပ်ကို မခုခံခြင်းမှာ ရေစကြိုမြို့နယ်အတွင်း တိုက်ပွဲဖော်ရန်အချိန်မရောက်သေးခြင်းနှင့် အမျိုးသားညီညွတ်ရေးအစိုးရ၏ တိုက်ပွဲခေါ်သံ စောင့်ဆိုင်းနေခြင်းတို့ကြောင့်ဟု ထုတ်ပြန်ခဲ့သည်။
Public Service Announcement
ထိုသို့ တပ်စခန်းတစ်ခု ဖျက်ဆီးခံရပြီးနောက် စစ်ကောင်စီလက်အောက်ခံ ရဲစခန်းအပါအဝင် နေရာ ၃ခုကို ရေစကြို PDFက ပြန်လည်တိုက်ခိုက်ခဲ့ခြင်းဖြစ်သည်။
