စစ်ကောင်စီတပ်က သုံးထပ်ကွေးအနီးအခြေပြုပြီး လက်နက်ကြီးနဲ့ပစ်ခတ်နေတယ်လို့ ဆို

စစ်ကောင်စီတပ်ဟာ မြဝတီ-ဝေါ်လေ လမ်းမကို ဆက်လက်ကျူးကျော်ဖို့ ကြိုးစားနေပြီး လက်နက်ကြီးနဲ့ပစ်ခတ်နေတယ်လို့ ကော်ဘရာစစ်ကြောင်းက သတင်းထုတ်ပြန်ပါတယ်။

စစ်ကောင်စီရဲ့ တပ်မ(၄၄)လက်အောက်ခံတပ်တွေဟာ မြဝတီ-ဝေါ်လေ လမ်းမ သုံးထပ်ကွေ့အနီး ကျော်ဝါးဘိုးဘုရားမှာ အခြေပြုကာ ဒီကနေ့ စက်တင်ဘာ(၇)ရက် မနက်(၉)နာရီခွဲခန့်နဲ့ ညနေ(၃)နာရီခွဲကနေ ည(၈)နာရီခွဲအချိန်ထိ (၁၂၀) မမလက်နက်ကြီးတွေနဲ့ ပစ်ခတ်လျက်ရှိတယ်လို့ ကော်ဘရာစစ်ကြောင်းကဆိုပါတယ်။

ကော်ဘရာစစ်သည်တော်တွေဘက်ကတော့ ပြည်သူလူထုရဲ့မေတ္တာနဲ့ လုံခြုံဘေးကင်းလျက်ရှိတယ်လို့ ဆိုထားပါတယ်။

စစ်ကောင်စီက လက်နက်ကြီးနဲ့ မဆင်မခြင်ပစ်ခတ်မှုကြောင့် အများပြည်သူသွားလာလျက်ရှိတဲ့ လမ်းမကြီးတွေ ထိခိုက်ပျက်စီးလျက်ရှိပြီး တောတောင်ရေမြေ၊ ပြည်သူ့အိုးအိမ်တွေလည်း ထိခိုက်ပျက်စီးလျက်ရှိတယ်လို့ ကော်ဘရာစစ်ကြောင်းရဲ့ ထုတ်ပြန်ချက်အရ သိရပါတယ်။

Public Service Announcement