စစ်ကောင်စီတပ်သေဆုံးထိခိုက်မှုများကာအထိနာခဲ့သော ဖားကန့်မြို့နယ်၊မှော်ပုံရွာတိုက်ပွဲတွင် ကျဆုံးခဲ့သောပြည်သူ့ကာကွယ်ရေးတပ်ဖွဲ့မှတပ်ဖွဲ့ဝင်တစ်ဦး၏ရုပ်အလောင်းကို KIA ၊ PDF ပူးပေါင်းအဖွဲ့က ပြန်လည်သယ်ယူနိုင်ခဲ့ကြောင်းဒေသခံအချို့ကပြောသည်ဩ
ဖားကန့်မြို့ မှော်ပုံကျေးရွာတွင်KIA ၊ PDF ပူးပေါင်းအဖွဲ့နှင့် စစ်ကောင်စီတပ်၏ အင်အားရာနှင့်ချီသောစစ်ကြောင်းတို့ ဒီဇင်ဘာလ ၅ရက်ညမှစ၍ တိုက်ပွဲဖြစ်ခဲ့သည်။ ဒီဇင်ဘာလ ၆ရက်တိုက်ပွဲတွင် ဖားကန့်မြို့ပြည်သူ့ကာကွယ်ရေးတပ်ဖွဲ့မှ ရဲဘော်တစ်ဦးကျဆုံးခဲ့ခြင်းဖြစ်သည်။
အဆိုပါတိုက်ပွဲတွင် စစ်ကောင်စီတပ်မှ ဆယ်နှင့်ချီ၍သေဆုံးပြီးအထိနာခဲ့ကြောင်း စစ်ရေးသတင်းရင်းမြစ်အချို့ကပြောသည်။ကချင်ပြည်နယ်အခြေစိုက်ဒေသတွင်းမီဒီယာများက စစ်ကောင်စီတပ်သား ၄၀ ၊ ၅၀ ဦးဝန်းကျင်သေဆုံးကြောင်းဖော်ပြသည်။
အဆိုပါတိုက်ပွဲတွင် KIA တပ်ဖွဲ့ဝင်တစ်ဦးနှင့်PDF တစ်ဦးကျဆုံးခဲ့သည်။
Public Service Announcement
” စစ်ေ-တွေဘက်က ဘယ်လောက်ကျလဲ ကျွန်တော်တို့ မသိဘူး။ ကျွန်တော်တို့ လူငယ်တစ်ဦး ကျဆုံးခဲ့တယ်။ သူ့ရုပ်အလောင်းကို ရအောင်ဆွဲထုတ်ယူခဲ့တယ်” ဟု ဖားကန့်ပြည်သူ့ကာကွယ်ရေးတပ်ဖွဲ့နှင့် နီစပ်သူတစ်ဦးကပြောသည်။
မှော်ပုံကျေးရွာအတွင်း ဒီဇင်ဘာလ ၆ရက်ကတိုက်ပွဲတွင် အထနာသွားသောစစ်ကောင်စီတပ်က အရပ်သားများကို ဖမ်းဆီးပြီး ဒီဇင်ဘာလ ၇ ရက်နံနက်တွင် ဆုတ်ခွာသွားခဲ့သည်။ မှော်ပုံကျေးရွာဘုန်းကြီးကျောင်းမှ စစ်ဘေးရှောင် ၂၁ဦးကို လူသားတံတိုင်းပြုလုပ်ကာ ဖမ်းဆီးသွားပြီး ယင်းတို့ထဲမှ ၁၁ဦး ပြန်လွှတ်ပေးခဲ့သည်။ ဖမ်းဆီးခံထားရဆဲ ၁၀ဦးစလုံးသည် အမျိုးသမီးများဖြစ်ကြောင်း ဒေသခံအချို့ကပြောသည်။
ဒီဇင်ဘာ ၆ ရက်ညကတိုက်ပွဲတွင် စစ်ကောင်စီက လက်နက်ကြီးအများအပြားအသုံးပြု၍ တိုက်ခိုက်ခဲ့သော်လည်း KIA ၊ PDF ပူးပေါင်းအဖွဲ့က အကောင်းဆုံးတုန့်ပြန်တိုက်ခိုက်နိုင်ခဲ့သည်ဟုဒေသခံများက ချီးကျုးနေကြသည်။ စစ်ကောင်စီတပ် ဆုတ်ခွာသွားပြီးနောက် လတ်တလောတွင် ဖားကန့်၌ တိုက်ပွဲများ ငြိမ်သက်နေသည်။
