Connect with us

Hi, what are you looking for?

သတင်း

အင်းတော်နယ်ရှိ ပြည်သူလူထုနေအိမ်များကို စစ်ကောင်စီတပ် ယနေ့ ထပ်မံမီးရှို့ဖျက်ဆီး

လက်ရှိတွင် စစ်ကောင်စီတပ်ဝင်ရောက်ရာ လမ်းကြောင်းရှိ ကျေးရွာများမှ ပြည်သူများ စစ်ဘေးတိမ်းရှောင်နေကြရပြီဖြစ်သည်ဟု ဆိုသည်။

အင်းတော်နယ်ရှိ နတ်မဟုတ်ကြီးရွာကို စစ်ကောင်စီတပ်က နိုဝင်ဘာ ၂၈ရက်တွင် မီးရှို့ဖျက်ဆီးနေစဥ်၊ ဓာတ်ပုံ - Indaw Revolution-IR
အင်းတော်နယ်ရှိ နတ်မဟုတ်ကြီးရွာကို စစ်ကောင်စီတပ်က နိုဝင်ဘာ ၂၈ရက်တွင် မီးရှို့ဖျက်ဆီးနေစဥ်၊ ဓာတ်ပုံ - Indaw Revolution-IR

စစ်ကိုင်းတိုင်း အင်းတော်မြို့နယ်ရှိ ဂျုံးဂျုံးကျကျေးရွာသစ်ကို စစ်ကောင်စီတပ်က ယမန်နေ့တွင် မီးရှို့ခဲ့ပြီးနောက် ယနေ့နံနက်တွင် ဂျုံးဂျုံးကျ ရွာမကို ဆက်လက်မီးရှို့နေကြောင်း အင်းတော်ဒေသခံတစ်ဦးက ပြောသည်။

“ဒီနေ့လည်း အဲဒီလိုပဲ ခ..တွေ(စစ်ကောင်စီတပ်ဖွဲ့)က တစ်ရွာဝင်၊တစ်ရွာထွက် အဲဒီလို သွားနေတာ။ မနေ့တုန်းက ဂျုံးဂျုံးကျ ရွာသစ်ကို မီးရှို့တယ် ၁၃အိမ် လောင်သွားတာပေါ့။ ဒီနေ့တော့ ဂျုံးဂျုံးကျ ရွာမကိုမီးရှို့နေတယ် ပြောတယ်”ဟု ၎င်းက ဆိုသည်။

စစ်ကောင်စီတပ်သည် အင်းတော်နယ်ကို ဒီဇင်ဘာ ၁၄ရက်တွင် စစ်ကြောင်းသုံးကြောင်းဖြင့် ထပ်မံ ဝင်ရောက်စစ်ကြောင်းထိုးနေခြင်းဖြစ်သည်ဟု ဆိုသည်။ ယခု စစ်ကြောင်းထိုးလာသည့် စစ်ကောင်စီတပ်သည် လွန်ခဲ့သည့်တစ်လအတွင်း ထီးချိုင့်မြို့နယ်မှ ရွာပေါင်း ၂၀ကျော်ကို လိုက်လံ မီးရှို့ခဲ့သည့်စစ်ကြောင်းဖြစ်ပြီး အင်းတော်မြို့နယ်တွင်လည်း ကျေးရွာများကို မီးရှို့ဖျက်ဆီးမှုများ ဆက်တိုက် လုပ်ဆောင်လာနိုင်ဖွယ်ရှိသည်ဟု ဒေသခံက ပြောသည်။

လက်ရှိတွင် စစ်ကောင်စီတပ်ဝင်ရောက်ရာ လမ်းကြောင်းရှိ ကျေးရွာများမှ ပြည်သူများ စစ်ဘေးတိမ်းရှောင်နေကြရပြီဖြစ်သည်ဟု ဆိုသည်။

Public Service Announcement

Public Service Announcement

အဆိုပါ စစ်ကောင်စီတပ်နှင့် ဒေသခံပြည်သူ့ကာကွယ်ရေးတပ်(PDF)တို့ ယမန်နေ့က ညောင်ကုန်းရွာအနီး တိုက်ပွဲဖြစ်ခဲ့ပြီး ယခုကဲ့သို့ တစ်ရွာဝင်တစ်ရွာထွက် မီးရှို့မှုများ ဆက်လုပ်နေပါက တိုက်ပွဲ ထပ်မံဖြစ်ပွားနိုင်ကြောင်း ဒေသခံက ပြောသည်။ အင်းတော်နယ်တွင် PDF များနှင့်အတူ ကချင်လွတ်လပ်ရေးတပ်မတော်(KIA) တပ်ဖွဲ့ဝင်များလည်း ပူးပေါင်းစစ်ရေးလှုပ်ရှားလျက်ရှိသည်။

အင်းတော်နယ်ရှိ နတ်မဟုတ်ကြီးရွာကို စစ်ကောင်စီတပ်က နိုဝင်ဘာ ၂၈ရက်တွင် မီးရှို့ဖျက်ဆီးနေစဥ်၊ ဓာတ်ပုံ – Indaw Revolution-IR

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook