မန္တလေးတိုင်း၊ မိုးကုတ်မြို့နယ်ထဲက ရေပူကျေးရွာ အုပ်စုမှာရှိတဲ့ ကျောက်မျက်လုပ်ကွက်တွင်းဟောင်း ဒီဇင်ဘာလ ၂၆ ရက်မနက်ပိုင်းက ပြိုကျလို့ အမျိုးသား ၁ ဦးသေဆုံးခဲ့ရပါတယ်။
တွင်းဝအကျယ် ၄ ပေ ၊အနက် ပေ ၈၀ ရှိတဲ့ ကျောက်မျက်တွင်းဟောင်းဟာ မနေ့က မနက်ပိုင်း ၁၀ နာရီဝန်းကျင်ကပြိုကျခဲ့တာပါ။
တွင်းပြိုကျချိန်မှာ တွင်းထဲမှာရှိနေတဲ့ အသက် ၅၄ နှစ်အရွယ် အမျိုးသားသေဆုံးသွားတယ်လို့ ကူညီကယ်ဆယ်ရေးလုပ်ဆောင်ပေးသူတွေထံကသိရပါတယ်။
” အောက်မှာကတော်တော်နက်တော့ သူ့ကိုခက်ခက်ခဲခဲနဲ့ ပြန်သယ်ရတာ ၃နာရီလောက်ကြာသွားတယ်” လို့ ကယ်ဆယ်ရေးမှာ ပါဝင်သူတစ်ဦးကပြောပါတယ်။
Public Service Announcement
တွင်းပြိုကျပြီးသေဆုံးသွားတဲ့ အမျိုးသားအလောင်းကို ဆယ်ယူပြီး မိုးကုတ်ဆေးရုံကိုပို့ဆောင်ခဲ့တယ်လို့ သိရပါတယ်။
