'/%3E%3C/svg%3E){kind=small}
ဒီကနေ့တရားခွင်နဲ့ပတ်သက်လို့ ရှေ့နေပြောကြားချက် အပြည့်အစုံ
ဒေါ်အောင်ဆန်းစုကြည် ကျန်းမာရေးကောင်းမွန်ပြီး ဒီကနေ့ တရားခွင်တက်ရောက်ခဲ့ပါတယ်။
မနေ့ကရုံးချိန်းမှာတော့ ကားမူးတာကြောင့် တရားခွင်တက်ရောက်နိုင်ခြင်းမရှိဘဲ ခွင့်ယူခဲ့ရတာဖြစ်ပါတယ်။
စက်တင်ဘာ ၁၄ ရက် ကနေ့ရုံးချိန်းမှာတော့ ဒေါ်အောင်ဆန်းစုကြည်ဟာ ရွှင်ရွှင်လန်းလန်းနဲ့တက်ရောက်ခဲ့သလို ပြည်သူတွေကို မေတ္တာပို့ပေးနေတယ်လို့ သူမရဲ့ရှေ့နေကိုသတင်းစကားပါးခဲ့ပါတယ်။
Public Service Announcement
“အမေကတော့ မနေ့ကကားမူးတာပဲဖြစ်တယ် ။ဒီနေ့တော့ဆေးသောက်လာတော့ အဆင်ပြေပါတယ်။ ဒီနေ့တော့ အမေ့မြင်ရတာလန်းလန်းဆန်းဆန်းရှိပါတယ်။ ထွေထွေထူးထူးမှာတာတော့မှာမရှိပါဘူး ။ ပြည်သူတွေအကုန်လုံးနဲ့ ကျွန်မတို့ရှေ့နေအဖွဲ့ကို မေတ္တာပို့ပေးနေတယ်လို့ပြောပါတယ်” လို့ တရားလွှတ်တော်ရှေ့နေ ဒေါ်မင်းမင်းစိုးကပြောပါတယ်။
ဒီကနေ့ရုံးချိန်းမှာတော့ ဒေါ်အောင်ဆန်းစုကြည်ကို စွဲဆိုထားတဲ့ ၅၀၅(ခ) အမှုအတွက် စွဲချက်လျှောက်လဲချက်ပေးပြီးစက်တင်ဘာ ၂၁ ရက်ရုံးချိန်းမှာ စွဲချက်အမိန့်ချဖို့ ရုံးချိန်းပေးထားတယ်လို့သိရပါတယ်။
နောက်ထပ်တစ်မှုဖြစ်တဲ့ သဘာဝဘေးအန္တရာယ်ဆိုင်ရာစီမံခန့်ခွဲမှုပုဒ်မနဲ့ပတ်သတ်ပြီးတရားလိုသက်သေ ၂ ဦးရဲ့ ဆင့်စာအတည်မဖြစ်တဲ့အတွက် ရုံးချိန်းပေးထားပါတယ်။
ဒါ့အပြင် မန္တလေးတိုင်းတရားလွှတ်တော်မှာ ဒေါ်အောင်ဆန်းစုကြည်ကို အဂတိပုဒ်မ ၄ ခု နဲ့ ရန်ကုန်တိုင်းတရားလွှတ်တော်မှာ ၁ မှု စုစုပေါင်း အဂတိမှု ၅ မှုနဲ့ တရားစွဲဆိုထားတယ်လို့ ရှေ့နေတွေဆီကနေသိရပါတယ်။
