အိမ်ဖြူတော် ရုံးစိုက်ရာ ဝါရှင်တန်ဒီစီမှာ ဖွင့်လှစ်ထားတဲ့ NUG အစိုးရ နိုင်ငံခြားရေးဝန်ကြီးဌာနရဲ့ ရုံးခန်းဖွင့်ပွဲကို မနေ့က ပြုလုပ်ရာ အမေရိကန် လက်ထောက် နိုင်ငံခြားရေးဝန်ကြီး တက်ရောက်ခဲ့တာတွေ့ရပါတယ်။
အဲဒီရုံးခန်းကိုပြီးခဲ့တဲ့နှစ် နိုဝင်ဘာလအတွင်းက ဖွင့်ထားပေမယ့် မနေ့က မှ အခမ်းအနားနဲ့ ဖွင့်လှစ်တာလို့သိရပါတယ်။
ဖွင့်ပွဲအခမ်းအနားကိုတက်ရောက်ခဲ့တဲ့ အမေရိကန် လက်ထောက်နိုင်ငံခြားရေးဝန်ကြီး Uzra Zeya ကလည်း NUG ရုံးခန်းဖွင့်ပွဲကို တက်ရောက် စကားပြောခွင့်ရတာ ဂုဏ်ယူကြောင်း တွစ်တာမှာ ရေးသားထားပါတယ်။
မြန်မာလူထုရဲ့ ဒီမိုကရေစီအရေး ကြိုးပမ်းမှုမှာ အမေရိကန် ပြည်ထောင်စုဟာ ခိုင်ခိုင်မာမာ ရပ်တည်ပေးသွားတယ်လို့လည်း အမေရိကန် လက်ထောက်နိုင်ငံခြားရေးဝန်ကြီး ဆိုပါတယ်။
Public Service Announcement
NUG အစိုးရ ဟာ ကိုယ်စားလှယ်ရုံးတွေကို အမေရိကန် ၊ ဗြိတိန် ၊ ပြင်သစ် ၊သြစတြေးလျ ၊ နော်ဝေ၊ချက်သမ္မတနိုင်ငံ၊ဂျပန် နဲ့ တောင်ကိုရီးယား တို့မှာ ဖွင့်လှစ်ထားပြီဖြစ်ပါတယ်။
