ယောနယ်၊ကဘော်ချိုင့်ဝှမ်းဒေသ နှင့်ကလေးဒေသ စစ်အာဏာရှင်တော်လှန်သူများ ပူးပေါင်းထားသည့် CDF(KKG) ၊PDF Zoland ၊ Civil Defense Mititia တို့က ပူးပေါင်း၍ကလေးမြို့ ကိုးမိုင်ရဲစခန်းကို ယနေ့နံနက်အစောပိုင်းက ဝင်တိုက်ခိုက်ခဲ့ရာ အာဏာသိမ်းစစ်ကောင်စီဘက်က အနည်းဆုံးငါးဦးသေဆုံးခဲ့ပြီး အများအပြားဒဏ်ရာခဲ့သည်။
“ဝင်တိုက်တာ ဟုတ်တယ်။ အခုနေအများကြီးပြောလို့ မရသေးဘူး။ စစ်ခွေးတွေဘက်က ငါးယောက်သေတယ်။ ဒဏ်ရာရတာလည်း များတယ်” ဟု တိုက်ခိုက်မှုကို သိရှိနေသူတစ်ဦးကပြောသည်။
ချင်းပြည်နယ်၊ တီးတိန်မြို့နယ်နှင့်
စစ်ကိုင်းတိုင်း ကလေးမြို့ အစပ်ရှိ ကိုးမိုင်ရဲစခန်း (ခိုင်ကမ်းနယ်မြေရဲစခန်း) ကို တိုက်ခိုက်ချိန်သည် အနည်းဆုံး ၁၅မိနစ်ခန့်သာ ကြာမြင့်ခဲ့သည်ဟု ၎င်းကပြောသည်။ အဆိုပါ တိုက်ခိုက်မှုတွင်CDF(KKG) ၊ PDF Zoland နှင့်အတူ Civil Defense Mititia အဖွဲ့ပါ ပါဝင် တိုက်ခိုက်ခဲ့ကြောင်း PDF Zoland အဖွဲ့ကထုတ်ပြန်သည်။
ယခုအခါ စစ်အာဏာရှင်အား လက်နက်ကိုင်တော်လှန်ရေး အရှိန်အမြင့်ဆုံးဒေသသည် စစ်ကိုင်းတိုင်းဒေသကြီးနှင့်ချင်းပြည်နယ် ဖြစ်ပြီး ဒေသချင်းထိစပ်နေသော မကွေးတိုင်းဒေသကြီး ယောနယ်၊ ကချင်ပြည်နယ် ဟူးကောင်းဒေသနှင့် ကလေးမြို့နယ်အခြေစိုက် PDFနှင့်ချင်းပြည်နယ်အခြေစိုက် CDF အဖွဲ့များလည်း ပူပေါင်းတိုက်ခိုက်နေကြသည်။
Public Service Announcement
