Connect with us

Hi, what are you looking for?

သတင်း

မုံရွာမြို့ပေါ်ရှိ စစ်ကောင်စီကင်းနှစ်ခုကို တပြိုင်နက် တိုက်ခိုက်

အလားတူ အဖွဲ့(၂)ရဲဘော်များကလည်း စစ်ကောင်စီတပ်စွဲရာ မုံရွာစီးပွားရေးတက္ကသိုလ်ဝင်းအတွင်းသို့ (၄၀) မမ လေးလုံးဖြင့် ပစ်ခတ်တိုက်ခိုက်ခဲ့ပြီး အထိအခိုက်မသိရသေးကြောင်း တပ်ရင်းမှူးက ဆိုသည်။

(မုံရွာမြို့ပေါ်ရှိ စစ်ကောင်စီတပ်သားများအား အာဏာသိမ်းကာလအစောပိုင်းက တွေ့ရစဥ်။ ဓာတ်ပုံ - CJ)
(မုံရွာမြို့ပေါ်ရှိ စစ်ကောင်စီတပ်သားများအား အာဏာသိမ်းကာလအစောပိုင်းက တွေ့ရစဥ်။ ဓာတ်ပုံ - CJ)

စစ်ကိုင်းတိုင်း၊ မုံရွာမြို့ပေါ်ရှိ စစ်ကောင်စီကင်းစခန်းနှစ်ခုကို အဖွဲ့နှစ်ဖွဲ့ခွဲကာ တပြိုင်နက် ဝင်ရောက်ပစ်ခတ်တိုက်ခိုက်ခဲ့ကြောင်း မုံရွာခရိုင်တပ်ရင်းအမှတ်(၂၇) Black Dragon Force ၏ တပ်ရင်းမှူး K.M.S.Gက ပြောသည်။

ယမန်နေ့ (ဧပြီ၁၉ ရက်)နံနက် ၁၀နာရီခွဲခန့်က မုံရွာမြို့ရှိ စစ်ကောင်စီ တပ်စွဲထားသော မုံရွာစီးပွားရေးတက္ကသိုလ်အနီး ဇလုပ်အဝိုင်းပတ်ထောင့် ဘန်ကာအတွင်း ကင်းစောင့်နေသော စစ်ကောင်စီတပ်သား လေးဦးအား အဖွဲ့ (၁)ရဲဘော်များက ကားဖြင့်အနီးကပ်ဝင်ရောက်ပစ်ခတ်ခဲ့ရာ စစ်ကောင်စီတပ်သား တစ်ဦး သေဆုံးကြောင်း Black Dragon Force ၏ တပ်ရင်းမှူး K.M.S.G က ပြောသည်။

အလားတူ အဖွဲ့(၂)ရဲဘော်များကလည်း စစ်ကောင်စီတပ်စွဲရာ မုံရွာစီးပွားရေးတက္ကသိုလ်ဝင်းအတွင်းသို့ (၄၀) မမ လေးလုံးဖြင့် ပစ်ခတ်တိုက်ခိုက်ခဲ့ပြီး အထိအခိုက်မသိရသေးကြောင်း တပ်ရင်းမှူးက ဆိုသည်။

“မနေ့က (၂)ဖွဲ့ခွဲပြီး Mission စထွက်ခဲ့တာပါ။အဖွဲ့ (၁)က ကားနဲ့အနီးကပ်ဝင်ပစ်ခဲ့တာဖြစ်ပြီး အဖွဲ့ (၂)က အဖွဲ့ (၁)ပြန်ဆုတ်ချိန်မှာ (၄၀)မမနဲ့ ပစ်ခတ်ခဲ့တာပါ။ ကားနဲ့အနီးကပ်ဝင်ပစ်တာက တစ်ကောင်ရခဲ့ပြီး (၄၀)နဲ့ပစ်တာကတော့ အထိအခိုက်ကမသိရသေးပါဘူး။”ဟု Black Dragon Force ၏ တပ်ရင်းမှူး K.M.S.G က ပြောသည်။

Public Service Announcement

Public Service Announcement

စစ်အုပ်စုဘက်ကလည်း ပြန်လည်ပစ်ခတ်ခဲ့ပြီး ရဲဘော်များ အထိအခိုက်မရှိဟု သိရသည်။

အဆိုပါ စစ်ဆင်ရေးကို မုံရွာခရိုင်တပ်ရင်း အမှတ် (၂၇) Black Dragon Force နှင့် Peacock King People Defense Force၊ ပုဏ္ဏက ပြောက်ကျားတပ်ဖွဲ့တို့ ပူးပေါင်းတိုက်ခိုက်ခဲ့ကြောင်း အသိပေးထားသည်။

ပြီးခဲ့သည့် ဧပြီ ၁၈ ရက်ကလည်း မုံရွာမြို့၊ အောင်ဇေယျကွက်သစ်ရှိ စစ်ကောင်စီတပ်ကို SBTF နှင့် မဟာမိတ်များက လက်နက်ကြီးများဖြင့် ၁နာရီခန့် ပစ်ခတ်တိုက်ခိုက်ခဲ့သေးသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။