Connect with us

Hi, what are you looking for?

နိုင်ငံတကာ

ကိုယ့်တိုက်လေယာဉ်မှာ မှားဗုံးကြဲတာ ခံရတဲ့ ရုရှားမြို့မှာ မပေါက်ကွဲသေးတဲ့ ဗုံးတစ်လုံး ထပ်တွေ့

လုံခြုံရေး ကင်မရာတွေက ရိုက်ယူထားတဲ့ မှတ်တမ်းဗီဒီယိုအရ ဧပြီ ၂၀ ရက် ဖြစ်စဉ်မှာ မြို့ထဲ ကားတွေ သွားလာနေတဲ့ လမ်းမတစ်ခုနားကို ကောင်းကင်ကနေ အရာဝတ္ထု တစ်ခုခု ကျဆင်းလာတာ တွေ့ရပြီး ၁၈ စက္ကန့် အကြာမှာ ထပေါက်ကွဲခဲ့ပါတယ်။

ကိုယ့်တိုက်လေယာဉ်မှာ မှားဗုံးကြဲတာ ခံရတဲ့ ရုရှားမြို့မှာ မပေါက်ကွဲသေးတဲ့ ဗုံးတစ်လုံး ထပ်တွေ့
ကိုယ့်တိုက်လေယာဉ်မှာ မှားဗုံးကြဲတာ ခံရတဲ့ ရုရှားမြို့မှာ မပေါက်ကွဲသေးတဲ့ ဗုံးတစ်လုံး ထပ်တွေ့

ရုရှား တိုက်လေယာဉ်က မှားယွင်း ဗုံးကြဲတာ ခံခဲ့ရတဲ့ ရုရှားမြို့မှာ နောက်ထပ် မပေါက်ကွဲသေးတဲ့ ဗုံးတစ်လုံးကို ရှာတွေ့ခဲ့တာကြောင့် မြို့ခံတွေ ထောင်နဲ့ချီ အရေးပေါ် ရွှေ့ပြောင်းခဲ့ရပါတယ်။

ယူကရိန်းနဲ့ နယ်စပ်နားမှာရှိတဲ့ ရုရှားမြို့ ဘယ်လ်ဂိုရတ်ဒ်ဟာ ရုရှား တိုက်လေယာဉ် တစ်စီးရဲ့ မှားယွင်း ဗုံးကြဲမှုကို ခံရပြီး နှစ်ရက်အကြာ ဧပြီ ၂၂ ရက်မှာ အခုလို ကတိုက်ကရိုက် ရွှေ့ပြောင်းရတဲ့ အခြေအနေနဲ့ ကြုံခဲ့ရတာပါ။ အဲဒီ မှားယွင်း ဗုံးကြဲမှုအတွင်းမှာတော့ မြို့လယ်က လမ်းနဲ့ အဆောက်အအုံတချို့၊ ကားတချို့ ပျက်စီးခဲ့ပြီး လူ ၃ ဦးထက်မနည်း ဒဏ်ရာရခဲ့ပါတယ်။

အခု မပေါက်ကွဲသေးဘဲ ရှာတွေ့တယ်ဆိုတဲ့ ဗုံးဟာ Su-34က မှားယွင်းဗုံးကြဲခဲ့ချိန်မှာပဲ ကြဲချမိခဲ့တဲ့ နောက်ထပ်တစ်လုံးလား ဆိုတာကိုတော့ ကွဲကွဲပြားပြား မသိရသေးပါဘူး။

ဗုံးရှာတွေ့တဲ့ နေရာတဝိုက်ကို လောလောဆယ် ပိတ်ဆို့ထားလိုက်ပြီး အနီးအနား အဆောက်အအုံ ၁၇ ခုက ဒေသခံ ၃၀၀၀ လောက်ကို ယာယီ ရွှေ့ပြောင်းစေခဲ့ရကြောင်း အာဏာပိုင်တွေက ပြောပါတယ်။ ဒါပေမဲ့ ဗုံးရဲ့ ပေါက်ကွဲစေနိုင်တဲ့ အပိုင်းကို အသက်မဝင်တော့တာ သေချာအောင် လုပ်ဆောင်ပြီး ဖယ်ရှားခဲ့တဲ့နောက် အားလုံး နေရပ်ပြန်ခွင့် ရခဲ့ကြတယ်လို့လည်း သိရပါတယ်။

Public Service Announcement

Public Service Announcement

မပေါက်ကွဲသေးတဲ့ ဗုံးဟာ ရုရှား တိုက်လေယာဉ်က မှားယွင်း ဗုံးကြဲမိတဲ့ နေရာမှာပဲ ရှာတွေ့ခဲ့တာ ဖြစ်ပါတယ်။ SU-34 ဗုံးကြဲတိုက်လေယာဉ် ကြဲချခဲ့တဲ့ ဗုံးဟာ ဘယ်လ်ဂိုရတ်ဒ် မြို့လယ်မှာ မီတာ ၂၀ လောက်ရှည်တဲ့ ပပ်ကြားအက် ချိုင့်ခွက်ကြီး ဖြစ်သွားစေပါတယ်။

လုံခြုံရေး ကင်မရာတွေက ရိုက်ယူထားတဲ့ မှတ်တမ်းဗီဒီယိုအရ ဧပြီ ၂၀ ရက် ဖြစ်စဉ်မှာ မြို့ထဲ ကားတွေ သွားလာနေတဲ့ လမ်းမတစ်ခုနားကို ကောင်းကင်ကနေ အရာဝတ္ထု တစ်ခုခု ကျဆင်းလာတာ တွေ့ရပြီး ၁၈ စက္ကန့် အကြာမှာ ထပေါက်ကွဲခဲ့ပါတယ်။

လူဦးရေ ၄ သိန်း ဝန်းကျင်လောက်ရှိတဲ့ ဘယ်လ်ဂိုရတ်ဒ်ဟာ ယူကရိန်းနဲ့ နယ်စပ်နားမှာ တည်ရှိသလို ရုရှားတိုက်လေယာဉ်တွေ မကြာခဏ ဖြတ်ပျံလေ့ရှိတဲ့ နေရာတစ်ခုလည်း ဖြစ်ပါတယ်။ လေတပ်ရဲ့ SU-34 တိုက်လေယာဉ်တွေကြောင့် ရုရှားပြည်သူတွေ ဒုက္ခရောက်ကြတာ အခုဖြစ်စဉ်က ပထမဆုံးတော့ မဟုတ်ပါဘူး။ အောက်တိုဘာလတုန်းကလည်း ယိုင်းစ်ခ်မြို့မှာ SU-34 တစ်စီးက လူနေဧရိယာထဲ ပျက်ကျတာကြောင့် လူ ၁၃ ဦးထက်မနည်း အသက်ဆုံးရှုံးခဲ့ရဖူးပါတယ်။

ဆက်စပ်သတင်းများ

နိုင်ငံတကာ

အစိုးရရဲ့ ဖိအားပေးမှုတွေ မြင့်တက်လာတဲ့နောက် ရုရှားရဲ့ နောက်ဆုံးလက်ကျန် လွတ်လပ်တဲ့ သတင်းစာတိုက်ကို ပိတ်သိမ်းလိုက်ရပြီ ဖြစ်ပါတယ်။

သတင်း

စစ်ကိုင်းတိုင်း၊ တန့်ဆည်မြို့နယ်က စာသင်ကျောင်းကို စစ်တပ်က ဂျက်ဖိုက်တာ ၂စီးနဲ့ ဗုံးကြဲတိုက်ခိုက်ခဲ့တယ်လို့ ဒေသခံသတင်းရင်းမြစ်တချို့က ပြောပါတယ်။

သတင်း

မြောက်ဦးမြို့၊ လေးမြို့စားရပ်ကွက်ရှိ ယာယီဖွင့်လှစ်ထားတဲ့ သားဖွားဆေးရုံကို အာဏာသိမ်းစစ်တပ်က ဒီနေ့ ညနေပိုင်းမှာ ဗုံးကြဲခဲ့တာကြောင့် ကလေးငယ်၊ အမျိုးသမီးအပါအ၀င် ၄ ဦး သေဆုံးပြီး ၄ ဦးထက်မနည်း ဒဏ်ရာရသွားခဲ့တယ်လို့ ဒေသခံတွေက ပြောကြပါတယ်။

သတင်း

စစ်ကိုင်းတိုင်း၊ မြင်းမူမြို့နယ်မှာ စစ်တပ်က စာသင်ကျောင်း ၃ ကျောင်းအနီး လေကြောင်းကနေ ဗုံးကြဲတိုက်ခိုက်လို့ သက်ကြီးရွယ်အို ၁ ဦးအပါအဝင် ပြည်သူ ၂ ဦး သေဆုံးခဲ့ပါတယ်။