မကွေးတိုင်း၊ ပခုက္ကူခရိုင်၊ မြိုင်မြို့လယ်ရှိ မြို့မရဲစခန်းကို ဝင်ရောက်ပစ်ခတ်တိုက်ခိုက်ခဲ့ကြောင်း မြိုင် (ပကဖ)ခေါင်းဆောင် ကိုလက်ယျာက ပြောသည်။
ယမန်နေ့ (ဧပြီ၂၄ ရက်) နံနက် ၇နာရီခန့်က မြိုင်မြို့တွင်းသို့ဝင်ရောက်ကာ မြို့မရဲစခန်းအား လက်နက်ကြီး၊ လက်နက်ငယ်များဖြင့် ဝင်ရောက်ပစ်ခတ်တိုက်ခိုက်ခဲ့ပြီး ထိခိုက်မှုအခြေအနေ မသိရသေးကြောင်း မြိုင်(ပကဖ)ခေါင်းဆောင် ကိုလက်ယျာက ပြောသည်။
“ကား၃စီးနဲ့ ရဲစခန်းနားအထိလာပြီးလက်နက်ကြီးနဲ့ ပစ်ခတ်သွားတယ် ပြောတယ်။ ထိခိုက်မူတော့မသိဘူး။”ဟု မြိုင်နယ်ခံတစ်ဦးက ပြောသည်။
ယမန်နေ့ညပိုင်း ၈ နာရီခန့်တွင်လည်း မြိုင်မြို့ရဲစခန်းဝန်းကျင်၌ ပစ်ခတ်သံများကြားခဲ့ရကြောင်း မြို့ခံအချို့က ပြောသည်။
Public Service Announcement
ထိုစစ်ဆင်ရေးအား ဘာမဏီပျောက်ကြားတပ်ဖွဲ့၊GOE အဖွဲ့၊ မြိုင်မြို့နယ်တွင်း(ပကဖ)များနှင့်မြိုင် (ပကဖ) ရင်း(၁) ခွဲ (၃)တို့ ပူးပေါင်းတိုက်ခိုက်ခဲ့ကြောင်း အသိပေးသည်။
မြိုင်မြို့နယ်တွင် စစ်ကောင်စီတပ်က လေကြောင်းပစ်ခတ်တိုက်ခိုက်မှုများရှိနေပြီး ကျေးရွာ၊ ဆေးရုံနှင့် လူနေအိမ်များအား မီးရှို့ဖျက်ဆီးခြင်း၊ ဒေသခံ ပြည်သူများအား ဖမ်းဆီးသတ်ဖြတ်ခြင်းများလည်း ပြုလုပ်နေသည်။
