ကရင်အမျိုးသားအစည်းအရုံး(KNU) ဖာပွန်ခရိုင်၌ မေလတိုက်ပွဲများအတွင်း စစ်ကောင်စီနှင့် ၎င်း၏လက်အောက်ခံ နယ်ခြားစောင့်တပ်(BGF) တပ်မှတပ်ဖွဲ့ဝင် ၁၂၂ဦးသေဆုံးကာ ၄၈ဦး ဒဏ်ရာရရှိခဲ့ကြောင်း ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၅)က သတင်းထုတ်ပြန်သည်။
မေလ ၁ရက်မှ ၃၁ရက်အတွင်း KNLA တပ်မဟာ (၅) နှင့် စစ်ကောင်စီတပ်အကြား တိုက်ပွဲ ၂၀၀ ကြိမ်ဖြစ်ပွားခဲ့သည်ဟု ဖော်ပြသည်။
စစ်ကောင်စီနှင့် BGFဘက်က သေဆုံးသူများထဲ၌ တပ်ခွဲမှူး တစ်ဦး၊ဒုတပ်ခွဲမှူး နှစ်ဦး ၊ တပ်ကြပ်ကြီး သုံးဦးပါဝင်ကြောင်း အတည်ပြုသိရသည်ဟု ထုတ်ပြန်သည်။
ထို့ပြင် စစ်ကောင်စီ၏ လက်နက်နှင့်ရိက္ခာထောက်ပံ့ပို့ဆောင်ရေးယာဉ်(၆)စီးဖျက်ဆီးနိုင်ခဲ့ပြီး မြင်းလား(၆)ကောင်အား သုတ်သင်နိုင်ခဲ့ကြောင်း ဖော်ပြထားသည်။
Public Service Announcement
အဆိုပါတိုက်ပွဲများအတွင်း KNLA တပ်မဟာ(၅) ဘက်က ရဲဘော် နှစ်ဦးကျဆုံးကာ ၁၀ဦးဒဏ်ရာရခဲ့သည်ဟု အသိပေးထားသည်။
စစ်ကောင်စီတပ်က ပြည်သူလူထုများနေထိုင်ရာသို့ လက်နက်ကြီး ပစ်ခတ်မှုများ လုပ်ဆောင်ခဲ့ရာ ပြည်သူ တစ်ဦးသေဆုံးကာ ၂ဦးဒဏ်ရာရခဲ့ကြောင်း၊နေအိမ်ပျက်စီးမှုများလည်းရှိခဲ့ကြောင်း ထုတ်ပြန်သည်။ ထို့ပြင် စစ်ကောင်စီတပ်က ပြည်သူလူထုထံမှငွေကြေးနှင့် ပစ္စည်းများ အဓမ္မလုယူမှုရှိခဲ့ကြောင်း KNLA တပ်မဟာ(၅)က ထုတ်ပြန်သည်။
