စစ်ကောင်စီတပ်ဖွဲ့ဝင် ငါးဦးလက်နက်ခဲယမ်းများနှင့်အတူ ပြည်သူ့ရင်ခွင်ခိုလှုံ

အာဏာသိမ်းစစ်ကောင်စီတပ်ဖွဲ့ဝင် ငါးဦးသည် လက်နက်ခဲယမ်းများနှင့်အတူ အောက်တိုဘာ ၄ ရက်က ၎င်းတို့ထံ လာရောက်ပူးပေါင်းခဲ့ကြောင်း ချင်းကာကွယ် ရေးတပ် စင်ထန်(CDF-Senthang) က ထုတ်ပြန်သည်။

စစ်ကောင်စီ တပ်ရင်း (၂၂၂) မှ တပ်သားငါးဦးသည်MA 1 သေနတ်နှစ်လက်၊ ကျည်ဆန်များနှင့်အတူ ပူးပေါင်းခဲ့ကြောင်း ထုတ်ပြန်သည်။

ငါးဦးစလုံးအား လုံခြုံမှုရှိသောနေရာသို့ ပို့ဆောင်ပေးပြီးဖြစ်ကြောင်းနှင့် ယင်းအစီအစဥ်အတွက် ဒေသတွင်း ချင်း CDFများကလည်း ကူညီဆောင်ရွက်ပေးခဲ့သည်ဟု ထုတ်ပြန်ထားသည်။

အကြမ်းဖက်စစ်ကောင်စီအား စွန့်ခွာကာပြည့်သူ့ကာကွယ်ရေးတပ်များထံ လာရောက်ပူးပေါင်းပါက ကျပ်သိန်း ၅၀ ချီးမြှင့်မည့်အပြင် လုံခြုံသော နေရာသို့ ပို့ ဆောင်ပေးမည်ဟု ချင်း CDFနှင့် ဒေသအချို့မှ PDF များက ထုတ်ပြန်ကမ်းလှမ်းထားသည်။

Public Service Announcement