မိထက်/People’s Spring
ရခိုင်ပြည်နယ်၊ သံတွဲနှင့်တောင်ကုတ်မြို့နယ်၌ မိုးသည်းထန်စွာရွာသွန်းပြီးနောက် ချောင်းများရေလျှံကာ ဒေသခံများ ရေဘေးကြုံတွေ့နေသည်။
သံတွဲချောင်းဖျားတောင်တန်းများတွင် မိုးကြီးနေသောကြောင့် သံတွဲမြို့နယ်အတွင်းရှိ သံတွဲချောင်း၊ သူဌေးချောင်း၊ ပြည့်ချောင်းတယများ လျှံတက်လာခြင်းဟု သံတွဲမြို့ဒေသခံများကပြောသည်။
Public Service Announcement
“ပင်လယ်ထဲလည်း ရေလျှံနေပြီး မိုးကလည်းသဲသဲမဲမဲရွာနေတယ်။ နေရာတော်တော်များများရေပြည့်နေပြီ” ဟု မြို့ခံတစ်ဦးကပြောသည်။
ဒွါရာဝတီမြို့သစ် ၊ သံတွဲမြို့ နံတော်ပြင်ပိုင်း၊ နတ်ပြင်ကျေးရွာ၊ ခြံပြင်ကျေးရွာ၊ လက်ပံစု၊ တော်ရော်တော ရွာဟောင်း တို့တွင် ချောင်းရေများနစ်မြုပ်နေပြီး ပြည်သူများသွားရေးလာရေး ခက်ခဲနေကြောင်း ရခိုင်ပြည်နယ်အခြေစိုက်သတင်းဌာနများကဖော်ပြထားသည်။
တောင်ကုတ်မြို့တွင်လည်း ရေများနေပြီး မြေနိမ့်ပိုင်းနေရာများ ရေကြီးနစ်မြုပ်နေကြောင်း ဒေသခံများထံမှသိရသည်။ သို့သော် အဆိုပါ နှစ်မြို့နယ်မှ ရေ ဘေးသင့်ပြည်သူလူဦးရေစာရင်းကို မသိရှိရသေးပေ။ ဒေသခံများသည် ဆွေမျိုးသားချင်းများနှင့် ဘုန်းကြီးေကျာင်းအချို့၌ သွားရောက်ခိုလှုံနေကြရသည်။
သံတွဲမြို့တွင် လတ်တလော၌ အာရက္ခတပ်တော်(AA) က စစ်ကောင်စီတပ်စခန်းအများစုကိုတိုက်ခိုက်သိမ်းပိုက်ပြီး လက်ကျန် စစ်ကောင်
စီတပ်စခန်းများကို ရှင်းလင်းရေးထိုးစစ်ဆင်တိုက်ခိုက်နေကြောင်း သတင်းရရှိသည်။ ရေဘေးကြောင့် ဒေသခံများသည် အခက်အခဲများ ယခင်ကထက်ကြုံတွေ့နေရကြရသည်။
ရခိုင်ပြည်နယ်၊ မွန်ပြည်နယ်၊ ကရင်ပြည်နယ်၊ တနင်္သာရီတိုင်း၊ပဲခူးတိုင်း၊ ဧရာဝတီတိုင်းနှင့် ရန်ကုန်တိုင်းတို့တွင် ဇူလိုင်လကုန်အထိ ပုံမှန်ထက်မိုးကောင်းနိုင်၍ ရေကြီးရေလျှံမှုနှင့် မြေပြိုမှုဘေး ကြိုတင်သတိပြုကြရန် အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေးနှင့်ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာနကသတိပေးထားသည်။
