အင်ကြင်း/People’s Spring
ရန်ကုန် – မန္တလေးအမြန်လမ်းပိုင်း၌ စစ်ကောင်စီယာဥ်တန်း တိုက်ခိုက်ခံရပြီး ယာဉ်တစ်စီးပျက်စီးမှုရှိကြောင်း သတင်းရရှိသည်။
ယနေ့ (ဇူလိုင်၂၉ရက်) နံနက် ၈နာရီခန့်က မန္တလေးတိုင်း၊ နွားထိုးကြီးမြို့နယ်၊ ရန်ကုန် – မန္တလေးအမြန်လမ်း လမ်းပိုင်းတနေရာ၌
Public Service Announcement
မန္တလေးမြို့ဘက်မှ မောင်းနှင်လာသည့် အင်အား(၄၀)ခန့်ပါ စစ်ကား သုံးစီးအား နွားထိုးကြီး PDF အဖွဲ့က မိုင်းဆွဲပြီး လက်နက်ငယ်များဖြင့်ပါ ပစ်ခတ်တိုက်ခိုက်ခဲ့သည်။
တိုက်ခိုက်မှုကြောင့် စစ်ကားတစ်စီး မီးလောင်ပြီး ယာဉ်ပေါ်ပါ စစ်ကောင်စီတပ်သားများ ထိခိုက်သေဆုံးမှုရှိကြောင်း နွားထိုးကြီး PDFက ထုတ်ပြန်သည်။
နွားထိုးကြီး PDFက ထုတ်ပြန်သည့် ရုပ်သံတွင် စစ်ကားတစ်စီးပျက်စီးပြီး ရပ်တန့်ထားသည်ကို တွေ့ရသည်။
စစ်ကောင်စီဘက်က ထိခိုက်သေဆုံးမှုကို လူထုနွေဦးက သီးခြားအတည်ပြုနိုင်ခြင်း မရှိသေးပေ။
တိုက်ခိုက်မှုနှင့်ပတ်သတ်၍ နွားထိုးကြီး PDFထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။
စစ်ကောင်စီထောက်ခံသော တယ်လီဂရန်ချန်နယ်များတွင်လည်း ရန်ကုန်-မန္တလေးအမြန်လမ်း မိုင်တိုင်(၃၂၂)၌ မိုင်းကွဲခဲ့ကြောင်း ဝါဒဖြန့်နေသည်။
ဇူလိုင် ၂၁ရက်ကလည်း ရန်ကုန်-မန္တလေး အမြန်လမ်းမကြီးပေါ်တွင် မိတ္ထီလာမြို့မှ့ မန္တလေးမြို့ဘက်သို့ စစ်ကူလာသော စစ်ကားနှစ်စီးအား နွားထိုးကြီး PDFက မိုင်းဆွဲတိုက်ခိုက်ခဲ့ရာ ထိခိုက်မှု ရှိခဲ့သည်။
