Connect with us

Hi, what are you looking for?

သတင်း

ပုသိမ်ကြီးတွင် စစ်ကောင်စီက ဧည့်စာရင်းစစ်ပြည်သူများ ဖမ်းဆီးနေ

မန္တလေးတိုင်း၊ ပုသိမ်ကြီးမြို့နယ်ရှိ ကျေးရွာအချို့တွင် စစ်ကောင်စီက ဧည့်စာရင်းလိုက်လံစစ်ဆေးနေပြီး ပြည်သူအချို့ဖမ်းဆီးခံနေရကြောင်း ဒေသခံများက ပြောသည်။

ပုသိမ်ကြီးမြို့လယ်အား တွေ့ရစဥ်။ ဓာတ်ပုံ - CJ

အင်ကြင်း/People’s Spring

မန္တလေးတိုင်း၊ ပုသိမ်ကြီးမြို့နယ်ရှိ ကျေးရွာအချို့တွင် စစ်ကောင်စီက ဧည့်စာရင်းလိုက်လံစစ်ဆေးနေပြီး ပြည်သူအချို့ဖမ်းဆီးခံနေရကြောင်း ဒေသခံများက ပြောသည်။

တိုက်ပွဲများစတင်ဖြစ်ပွားနေသည့် ပုသိမ်ကြီးမြို့နယ်တွင် စစ်ကောင်စီက ဧည့်စာရင်းများ လိုက်လံစစ်ဆေးပြီး သြဂုတ်၇ ရက် ညက တဲကုန်းရွာနှင့် မဲခင်းကုန်းရွာများအား ဝင်ရောက် စစ်ဆေးပြီး ပြည်သူ ရှစ်ဦးအား ဖမ်းဆီးခေါ်ဆောင်သွားကြောင်း ဒေသခံများက ပြောသည်။

Public Service Announcement

Public Service Announcement

” ဧည့်စာရင်းမတိုင်လို့​ ပြောတယ်။ အရင်ကတော့ ရွာထဲကပျူတွေကစစ်တာ။ အခုတော့ စစ်တပ်ကပါ လာစစ်တယ်။ ကွက်သစ်ဘက်နေတဲ့သူတွေပိုစစ်တယ်”ဟု ဒေသခံတစ်ဦးက ပြောသည်။

ပုသိမ်ကြီးမြို့နယ်သည် စစ်ရှောင်များနှင့် အခြားရွှေ့ပြောင်းနေထိုင်သူ အများအပြားရှိပြီး စစ်ကောင်စီ၏ စစ်ဆေးမှုများကြောင့် နေထိုင်မှုအခက်အခဲ ကြုံတွေ့နေရသည်ဟု ဒေသခံများက ပြောသည်။

သြဂုတ်လဆန်းပိုင်းက မတ္တရာမြို့နယ်နှင့် ပုသိမ်ကြီးမြို့နယ်အစပ်ရှိတပ်မ(၃၃) လက်အောက်ခံ ခမရ(၁၁၉)တပ်ကို တော်လှန်ရေးတပ်များက ရှော့တိုက်ဒုံးများဖြင့် ပစ်ခတ်တိုက်ခိုက်ခဲ့သေးသည်။

မတ္တရာအရှေ့ခြမ်းနှင့် ပုသိမ်ကြီးမြို့ရွာအချိူ့တွင် တိုက်ပွဲများပြင်းထန်နေပြီး စစ်ကောင်စီက လေကြောင်းဖြင့်ပါ တိုက်ခိုက်နေသည်။

ဩဂုတ် ၆ ရက်ညက ပုသိမ်ကြီးမြို့နယ် ၊ ဖယောင်းတောင်ရွာကို စစ်ကောင်စီတပ်က လေကြောင်းတိုက်ခိုက်ခဲ့ရာ ပြည်သူ၇ဦး သေဆုံးပြီး ထိခိုက်ဒဏ်ရာရရှိသူများလည်းရှိခဲ့သည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook