Connect with us

Hi, what are you looking for?

သတင်း

တနင်္သာရီမြို့နယ်တွင် စစ်ကောင်စီရိက္ခာပို့စစ်ကြောင်း တိုက်ခိုက်ခံရ

တနင်္သာရီမြို့နယ်တွင် စစ်ကောင်စီ၏ ခြေမြန် တပ်ရင်းတစ်ခုသို့ ရိက္ခာပို့လာသည့် ခြေလျင် စစ်ကြောင်းကို ကြားဖြတ်တိုက်ခိုက်ခဲ့ကြောင်းမြိတ်ခရိုင်၊ပြည်သူ့ကာကွယ်ရေးပူးပေါင်းစစ် ကြောင်း(၁)က ယနေ့(သြဂုတ် ၁၀)ထုတ် ပြန်သည်။

မြိတ်ခရိုင်၊ ပြည်သူ့ကာကွယ်ရေးပူးပေါင်းစစ်ကြောင်း(၁)မှ ရဲဘော်များကိုတွေ့ရစဥ်။ ဓာတ်ပုံ - စစ်ကြောင်း ၁

ကျော်ဇော/People’s Spring

တနင်္သာရီမြို့နယ်တွင် စစ်ကောင်စီ၏ ခြေမြန် တပ်ရင်းတစ်ခုသို့ ရိက္ခာပို့လာသည့် ခြေလျင် စစ်ကြောင်းကို ကြားဖြတ်တိုက်ခိုက်ခဲ့ကြောင်းမြိတ်ခရိုင်၊ပြည်သူ့ကာကွယ်ရေးပူးပေါင်းစစ် ကြောင်း(၁)က ယနေ့(သြဂုတ် ၁၀)ထုတ် ပြန်သည်။

ယမန်နေ့(သြဂုတ် ၉)ညနေ ၅ နာရီ ၄၅ ခန့်က ညောင်ပင်ကွင်းရွာအခြေစိုက် ခမရ (၅၅၈)မှ ခမရ (၅၆၁)သို့ ရိက္ခာပို့လာသော အင်အား ၃၀ ခန့်ပါ စစ်ကောင်စီတပ်စစ်ကြောင်းကို စစ် ကြောင်း(၁)မှ ရဲဘော်များက ကြားဖြတ်တိုက်ခိုက်ခဲ့ခြင်းဟု ဖော်ပြသည်။

Public Service Announcement

Public Service Announcement

“တိုက်ပွဲဖြစ်ပွားချိန် ၁၀မိနစ်ခန့်ကြာမြင့်ပြီး အကြမ်းဖက်စစ်ကောင်စီတပ်သားတစ်ဦးသေဆုံးခဲ့ပါသည်၊ ပြည်သူ့ကာကွယ်ရေး ရဲဘော်များဖက်မှထိခိုက်မှုတစ်စုံတစ်ရာမရှိခဲ့ပါ”ဟု မြိတ်ခရိုင် ပူးပေါင်းစစ်ကြောင်း(၁)က အသိပေးသည်။

တိုက်ပွဲအခြေအနေအပြည့်အစုံအား သိရှိနိုင်ရန် မြိတ်ခရိုင်၊ ပြည်သူ့ကာကွယ်ရေးပူးပေါင်းစစ်ကြောင်း(၁)ထံသို့ လူထုနွေဦးမှ အကြိမ် ကြိမ်ဆက်သွယ်ခဲ့သော်လည်း အဆက်အ သွယ်မရခဲ့ပေ။

တနင်္သာရီမြို့နယ်တွင် ယမန်နေ့(ဩဂုတ် ၉) နေ့လယ် ၁၂ နာရီခန့်က စစ်ကောင်စီသည် K-8W Jet Fighter အမျိုးစားတိုက်လေယာဉ်ဖြင့် ကျောက်မိကျောင်းရွာ၊ ကွင်းသစ်ရွာ၊ ညောင်ပင်ကွင်း(အရှေ့ကမ်း)ရွာ စသည့်ကျေးရွာသုံးရွာကို လေကြောင်းမှ ဗုံးကြဲတိုက်ခိုက်ခဲ့ကြောင်း စစ်ကြောင်း(၁)က ဖော်ပြသည်။

အဆိုပါ ဗုံးကြဲတိုက်ခိုက်မှုအတွင်း ထိခိုက်မှုမရှိခဲ့သော်လည်း ကျောက်မိကျောင်းရွာဘုန်းကြီးကျောင်း ပျက်စီးခဲ့သည်ဟု ထုတ်ပြန်ချက်က ဆိုသည်။

အလားတူ သြဂုတ် ၇ ရက်ကလည်း တနင်္သာရီမြို့နယ်၊ ကရင်အမျိုးသားအစည်းအရုံး(KNU) ထိန်းချုပ်နယ်မြေအတွင်းရှိ သကျက်တောင်ဘိန်၊ ဆင် ခေါင်းဘုရားတောင်၊ ဂဏန်းကွင်းရွာ စသည့်ကျေးရွာများကို စစ်ကောင်စီက ဂျက်ဖိုက်တာနှစ်စီးဖြင့် တိုက်ခိုက်ခဲ့ဗုံးကြဲတိုက်ခိုက်ခဲ့သေးသည်။

လက်ရှိတွင် တနင်္သာရီမြို့နယ်အတွင်းနှစ်ဖက် စစ်ရေးတင်းမာနေချိန်ဖြစ်၍ ပြည်သူများအ နေဖြင့် အသွားအလာ အနေအထိုင်အထူးဂရု စိုက်ကြပါရန်လေးစားစွာဖြင့်အသိပေးအပ်ကြောင်း တော်လှန်ရေးတပ်ဖွဲ့များက ထုတ် ပြန်ထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook