Connect with us

Hi, what are you looking for?

သတင်း

ဒီပဲယင်း၌ စစ်ကောင်စီတပ် စစ်ကြောင်းထိုးပြီး ကျေးရွာ ၃ရွာ မီးရှို့

စစ်ကိုင်းတိုင်း၊ ဒီပဲယင်းမြို့အား စစ်ကောင်စီတပ်က ပြန်လည်ဝင်ရောက်ပြီးနောက် စစ်ကြောင်းထိုးရာ ကျေးရွာ ၃ရွာ မီးရှို့ခံရကြောင်း ဒေသခံများက ပြောသည်။

ထွက်ပြေးတိမ်းရှောင်လာသော စစ်ရှောင်ပြည်သူအချို့အား တွေ့ရစဥ်။ဓာတ်ပုံ - ဒီပဲယင်းမြို့နယ်စစ်ရှောင်ထောက်ပံ့ရေး

ဇေအောင်/People’s Spring

စစ်ကိုင်းတိုင်း၊ ဒီပဲယင်းမြို့အား စစ်ကောင်စီတပ်က ပြန်လည်ဝင်ရောက်ပြီးနောက် စစ်ကြောင်းထိုးရာ ကျေးရွာ ၃ရွာ မီးရှို့ခံရကြောင်း ဒေသခံများက ပြောသည်။

သြဂုတ် ၂၄ရက် နံနက်ပိုင်းက ဒီပဲယင်းမြို့ပေါ်မှထွက်လာသော စစ်ကောင်စီတပ် စစ်ကြောင်းသည် ပျော်ဘွယ်ရွာ၊ မစိုးရိမ်ရွာနှင့် ကံပြားကျေးရွာရှိ နေအိမ်များအား ဝင်ရောက်မီးရှို့ဖျက်ဆီးသွားကြောင်း ဒေသခံများက ပြောသည်။

Public Service Announcement

Public Service Announcement

မစိုးရိမ်ကျေးရွာ၌ စစ်ကြောင်းရှိနေဆဲဖြစ်၍ ကျေးရွာသုံးရွာလုံး မီးလောင်ပျက်စီးမှုအခြေအနေ မသိရသေးကြောင်း ဒေသခံများက ပြောသည်။

အလားတူ ရေဦးမြို့ဘက်မှလည်း ဒီပဲယင်းမြို့နယ်ဘက်သို့ စစ်ကြောင်းထိုးလာပြီး နှစ်ဘက်စစ်ကြောင်းပြိုင်ထိုးမှုကြောင့် ဒီပဲယင်းမြို့နယ်အတွင်းရှိ ကျေးရွာ ၁၅ ရွာခန့်မှ ဒေသခံပြည်သူ ငါးထောင်ထက်မနည်းထွက်ပြေးတိမ်းရှောင်နေရကြောင်း ဒီပဲယင်းမြို့နယ်စစ်ရှောင်ထောက်ပံ့ရေးအဖွဲ့၏ တာဝန်ရှိသူက ပြောသည်။

“Camp တွေတော်တော်များများက ကူညီပေးနေတာ။ တချို့ချက်ကျွေး တချို့ထမင်းထုပ်ဆင့်ပြီးတော့ပေါ့။ ခုကရက်နည်းနည်းကြာတော့ ချက်ကျွေးရတာ တော်တော်ခက်ခဲလာနေကြပြီဗျ။”ဟု အထက်ပါ တာဝန်ရှိသူက ပြောသည်။

ရေဦးမြို့နယ်မှလာသော စစ်ကြောင်းသည် မုတ်စီရွာမှ ပြည်သူ လေးဦးဖမ်း​ဆီးသွားကြောင်း ရေဦးနယ်အခြေပြု People’s Defense Comrade အဖွဲ့က အသိပေးသည်။

သြဂုတ် ၂၂ရက် ည ၁၀ နာရီခွဲခန့်က ဒီပဲယင်းမြို့နယ်တွင် စစ်ရှောင်များရှိနေသည့် နဂါးတွင်းကျေးရွာကို စစ်ကောင်စီက လေကြောင်းတိုက်ခိုက်ခဲ့ရာ စစ်ရှောင်ပြည်သူနှစ်ဦး ဒဏ်ရာရပြီး နေအိမ်အချို့ ပျက်စီးခဲ့ကြောင်း ဒေသခံများက ပြောသည်။

သြဂုတ် ၁၅ ရက်ကစတင်ခဲ့သည့် ဒီပဲယင်းမြို့သိမ်းတိုက်ပွဲကြောင့် မြို့ခံများအပါအဝင် မြို့နယ်ရှိ ကျေးရွာ ၁၀ရွာခန့်မှ ပြ​ည်သူသောင်းချီ ထွက်ပြေးတိမ်းရှောင်နေရပြီး ရိက္ခာများအခက်အခဲရှိနေကြောင်း S&C မီး​​​ဘေးစစ်ဘေးပညာရေး ကူညီစောင့်ရှောက်ရေးအဖွဲ့၏ တာဝန်ခံ ကိုစိုးမိုးအောင်က ပြောသည်။

ဒီပဲယင်းမြို့ကို တော်လှန်ရေးတပ်ဖွဲ့များက ၃ ရက်ကြာ တိုက်ခိုက်ပြီးနောက် သြဂုတ် ၁၈ရက်နံနက်ပိုင်းတွင် မြို့သိမ်းနိုင်ခဲ့သည်။ သို့သော် လေကြောင်းပစ်ကူများနှင့် စစ်တပ်က အင်အားတိုးစစ်ကြောင်းထိုးမှုကြောင့် PDFရဲဘော်များ ဒီပဲယင်းမြို့တွင်းမှ ယာယီဆုတ်ခွာပေးထားကြောင်း သတင်းရရှိသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

စစ်ကိုင်းတိုင်းမှာ သံချပ်ကာတပ်ရဲ့ ဒုတိယစစ်ဆင်ရေးကွပ်ကဲရေးမှူး ဗိုလ်မှူးကြီး ဖမ်းဆီးခံရပြီးနောက် စစ်ကိုင်းမြို့နယ်အနောက်ခြမ်းက ကျေးရွာတွေကို အာဏာသိမ်းစစ်တပ်က ရက်သတ္တပတ်ကျော်ကြာ စစ်ကြောင်းထိုးနေလို့ ပြည်သူတွေ ထွက်ပြေးတိမ်းရှောင်နေရပါတယ်။

သတင်း

နေအိမ်၃၀ခန့် မီးလောင်ပျက်စီးပြီး စစ်​ကြောင်းထနောင်းပင်လဲရွာမှာတပ်စွဲ​နေ

သတင်း

ကချင်ပြည်နယ်၊ ဗန်းမော်မြို့နယ် ၃မိုင်ကျေးရွာရှိ ကချင်နှစ်ခြင်းခရစ်ယာန်အဖွဲ့ချုပ်(KBC) ဘုရားကျောင်းနဲ့ လူနေအိမ်များကို မီးရှို့ဖျက်ဆီးခဲ့တဲ့ အာဏာသိမ်းစစ်တပ်ရဲ့ လုပ်ရပ်ကို ပြင်းပြင်းထန်ထန် ကန့်ကွက်ရှုတ်ချကြောင်း ကချင်လူ့အခွင့်အရေးစောင့်ကြည့်အဖွဲ့(KHRW)က ဒီကနေ့ အောက်တိုဘာ ၁၅ရက်မှာ ထုတ်ပြန်ပါတယ်။

Facebook