Connect with us

Hi, what are you looking for?

သတင်း

ထားဝယ်မြို့အနီးတိုက်ပွဲ စစ်ကောင်စီတပ် ထိခိုက်မှုရှိ၊ တော်လှန်ရေးတပ် တစ်ဦးအရှင်ဖမ်းမိ

တနင်္သာရီတိုင်း၊ ထားဝယ်မြို့နယ်၊ မောင်မယ်ရှောင်ရွာနှင့် ကျောက်ဆိပ်ကုန်းကျေးရွာကြားတွင် ဩဂုတ် ၂၈ ရက်နံနက်က တိုက်ပွဲအပြင်းအထန်ဖြစ်ခဲ့ပြီး စစ်ကောင်စီတပ်မှ ၁၆ဦးသေဆုံးကာ တစ်ဦးအရှင် ဖမ်းမိခဲ့ကြောင်း ပြည်သူ့ကာကွယ်ရေးရဲဘော်အချို့က ပြောသည်။

တနင်္သာရီတိုင်း မှ PDF များ။ TDF

မိထက်/People’s Spring

တနင်္သာရီတိုင်း၊ ထားဝယ်မြို့နယ်၊ မောင်မယ်ရှောင်ရွာနှင့် ကျောက်ဆိပ်ကုန်းကျေးရွာကြားတွင် ဩဂုတ် ၂၈ ရက်နံနက်က တိုက်ပွဲအပြင်းအထန်ဖြစ်ခဲ့ပြီး စစ်ကောင်စီတပ်မှ ၁၆ဦးသေဆုံးကာ တစ်ဦးအရှင် ဖမ်းမိခဲ့ကြောင်း ပြည်သူ့ကာကွယ်ရေးရဲဘော်အချို့က ပြောသည်။

” စစ်ကြောင်းထိုးလာတာကို ကြားဖြတ်တိုက်တာပါ။ တိုက်ပွဲက သုံးနာရီမကကြာပါတယ်။ စစ်တပ် စစ်ကြောင်းပျက်သွားပြီး စစ်ကူခေါ်ပြီးထွက်ပြေးသွားတာပါ”ဟု ပြည်သူ့ကာကွယ်ရေးရဲဘော်တစါဦးက ပြောသည်။

Public Service Announcement

Public Service Announcement

တိုက်ပွဲအတွင်း စစ်ကောင်စီတပ်ဖွဲဝင်၁၆ ဦးသေဆုံးပြီး တပ်ကြပ်ကြီးတစ်ဦးအရှင် ဖမ်းမိထားသည်ဟု ဆိုသည်။ သို့သော် စစ်ကောင်စီတပ် သေဆုံးမှုနှင့်ပတ်သက်ပြီး လူထုနွေဦးက အတည်မပြုနိုင်သေးပေ။

တပ်ကြပ်ကြီးထံမှ MA-4သေနတ် တစ်လက်၊ ကျည်ဘောက် ခြောက်ခုနှင့် ခဲယမ်းအချို့သိမ်းဆည်းရရှိခဲ့ကြောင်း သတင်းရရှိသည်။

တိုက်ပွဲအတွင်းသေဆုံးသွားသည့်စစ်ကောင်စီတပ်ဖွဲ့ဝင်များကို ထားဝယ်မြို့ပေါ်မှလာရောက်သည့် စစ်ကူစစ်ကြောင်းက သယ်ဆောင်သွားသည်ဟု ဆိုသည်။

စစ်ကောင်စီစစ်ကြောင်းအား ရေဖြူပြည်သူ့ကာကွယ်ရေးတပ်ဖွဲ့ (YPPDF)၊ ဘီလုံးပျောက်ကျားတပ်ဖွဲ့၊ ကျားသစ်နက်၊ ဓဝယ်အမျိုးသားလွတ်မြောက်ရေးတပ်တော် (DNLA) နှင့် ပူးပေါင်းတပ်များက တိုက်ခိုက်ခြင်းဟု သိရသည်။

ကော့ကရိတ်မြို့နယ် ဒေါနတောင်မှ ပြန်လည်ဆုတ်ခွာခဲ့သည့် အောင်ဇေယျစစ်ကြောင်းမှ စစ်ကောင်စီတပ်ဖွဲ့ဝင်များသည် ထားဝယ် မြို့နယ် အတွင်း ရောက်ရှိနေကြောင်း ပြည်သူ့ကာကွယ် ရေးအဖွဲ့များက ပြောသည်။

ထားဝယ်မြို့နယ်အတွင်း စစ်ရေးတင်းမာနိုင်သောကြောင့် လုံခြုံရေးသတိပြုကြရန် ပြည်သူ့ကာကွယ်ရေးအဖွဲ့များက ဒေသခံများအား သတိပေးနေသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook