Connect with us

Hi, what are you looking for?

သတင်း

မြိုင်တွင် စျေးဝယ်ထွက်လာသော စစ်သားများတိုက်ခိုက်ခံရပြီး သုံးဦးသေဆုံး

ဒုအရာခံဗိုလ်အပါအဝင် လေးဦးလက်နက်ချအညံ့ခံ

ဖမ်းဆီးရမိသော စစ်သုံ့ပန်းများနှင့် မြိုင် ပကဖ၊မဟာမိတ်ရဲဘော်များအား တွေ့ရစဥ်။ဓာတ်ပုံ-မြိုင်ပကဖ

ဟာနာဆန်/People’s Spring

မကွေးတိုင်း၊ မြိုင်မြို့နယ်၊စက်မှု(၂)စခန်းမှ စျေးဝယ်ထွက်လာသော စစ်ကောင်စီတပ်များအား တိုက်ခိုက်ရာ သုံးဦးသေဆုံးပြီး ဒုအရာခံဗိုလ် အပါအဝင် လေးဦးအညံ့ခံကာ လက်နက်ခဲယမ်းများနှင့်အတူ ဖမ်းဆီးရမိခဲ့ကြောင်း မြိုင်မြို့နယ်ပြည်သူ့ကာကွယ်ရေးအဖွဲ့(ပကဖ)က ပြောသည်။

စက်တင်ဘာ ၁၉ရက် နံနက်က မြိုင်မြို့တောင် ဘက်(၃)မိုင်ဝန်းကျင်အကွာရှိ စက်မှု(၂)စခန်းမှ စျေးဝယ်ထွက်လာသော စစ်ကောင်စီတပ်သား ခုနစ်ဦးအား တိုက်ခိုက်ရာ သုံးဦးသေဆုံးပြီး ၎င်းတို့ကိုင်ဆောင်သည့် MA – 1 သေနတ် ၃လက်နှင့် ကျည်ဘောက်၄ခု သိမ်းဆည်းရရှိခဲ့ကြောင်း၊ ထို့အပြင် လေးဦးကလည်း လက်နက်ချအညံံ့ခံခဲ့ကြောင်း မြိုင်ပကဖက ပြောသည်။

ဖမ်းဆီးရမိသော စစ်သုံ့ပန်းများနှင့် မြိုင် ပကဖ၊မဟာမိတ်ရဲဘော်များအား တွေ့ရစဥ်။ဓာတ်ပုံ-မြိုင်ပကဖ

“ကျွန်တော်တို့ကအဲမှာ ကင်းပုန်းဝပ်နေတာ ၁၀ ရက်ကျော် ၁၅ ရက်လော​က်ရှိပြီ။ ဒီကောင်တွေ အဲဒီဘက်ကို ထွက်ပြီး စျေးဝယ်တတ်တယ်၊ ထန်းရည်သောက်တတ်တယ်ဆိုတဲ့သတင်းတွေ ကြားနေရတယ်။ သူတို့အနီးနား ဘယ်သူမှမသိအောင် ကိုယ့်ရိက္ခာနဲ့ကို သွားကပ်နေတာ။ ဖြစ်သွားတာက စက္ကန့်သုံးလေးဆယ်လောက်ပဲကြာတာပါ။ သေနတ်ပါတဲ့ သုံးယောက်ကတော့ ပစ်သတ်ပစ်လိုက်တာ။ကျန်တဲ့ လေးယောက်ကတော့ ဒူးထောက်အညံ့ခံတယ်။”ဟု မြိုင်ပကဖခေါင်းဆောင် ကိုလက်ယျာက ပြောသည်။

Public Service Announcement

Public Service Announcement

ဖမ်း​ဆီးရမိသူများမှာ ဒုအရာခံဗိုလ် ဖိုးလပြည့်၊ ကပစ(၁၄)မှ တပ်ကြပ်တင်ဝင်း၊ ပျူစောထီးအဖွဲ့ဝင် စိုင်းထက်အောင်နှင့် တပ်ကြပ်တစ်ဦး၏သမီး လုပ်သားဝန်ထမ်း မသဲမြတ်စင်တို့ကို ဖမ်းဆီးရမိကြောင်း ကာကွယ်ရေးအဖွဲ့များက ပြောသည်။

မြိုင်စက်မှု(၂)စခန်းသည် အာဏာသိမ်းပြီးကတည်းက စစ်တပ်ကတပ်စွဲထားပြီး ကာကွယ်ရေးအဖွဲ့များ၏တိုက်ခိုက်မှု မကြာခဏ ခံနေရသည့်စခန်းတစ်ခု ဖြစ်သည်။

မြိုင်ပကဖနှင့် မဟာမိတ်များသည် သြဂုတ်၂၀ ရက်ကလည်း သာကြီးတောင်ရဲကင်းစခန်းကို ဝင်ရောက်တိုက်ခိုက်ခဲ့ရာ စစ်အုပ်စုဘက်မှ ၅ ဦး သေဆုံး၍ ၂ ဦး အလံဖြူထောင်အညံ့ခံကာ တစ်ဦး လက်နက်ဖြင့်အရှင်မိခဲ့သည်။

မြိုင်မြို့နယ်အတွင်းရှိ စစ်ကောင်စီတပ်ဖွဲ့ဝင်များအနေဖြင့် အမြန်ဆုံး လက်နက်ချရန် မြိုင်ပကဖ က တိုက်တွန်းထားသည်။

ဆက်စပ်သတင်းများ

သတင်း

ရှေ့တန်းလွှတ်မယ့် စစ်ကောင်စီတပ်ဖွဲ့ဝင်တွေကို စစ်အုပ်စုရဲ့ တာဝန်ရှိသူတဦးက စစ်မြေပြင်မှာ သေနတ်နဲ့ ပစ်ခံရမှာကို ကြောက်စရာ မလိုဘဲ၊ ကျည်ဆန်မှာ အမည် ပါပြီးသားမို့ ကိုယ့်အမည် မပါရင် မသေဘူးလို့ ပြောကာ အန္တရာယ်ကင်း အဆောင်လက်ဖွဲ့တွေပေးရှေ့တန်းထွက်ခိုင်းပါတယ်။

သတင်း

သီတင်းကျွတ်ကာလမှာ စစ်တပ်က မကွေးတိုင်း၊ မြိုင်နဲ့ ပခုက္ကူမြို့နယ်က ဘုန်ကြီးကျောင်းတွေကို လေကြောင်းကနေ ဗုံးကြဲဖျက်ဆီးခဲ့တယ်လို့ ဒေသခံတချို့က ပြောပါတယ်။

သတင်း

မကွေးတိုင်း၊ မြိုင်မြို့နယ်အတွင်းက ကျေးရွာတစ်ရွာမှာ စစ်ရှောင်ပြည်သူတွေနဲ့ လက်ပံတောင်းတောင် ပင်မသပိတ်တို့ ပူးပေါင်းပြီး သံအမတ်ကြီး ဦးကျော်မိုးထွန်းကို ကုလသမဂ္ဂမှာ ဆက်ရှိရေး ထောက်ခံပွဲ ဒီကနေ့ (စက်တင်ဘာ ၇) က ပြုလုပ်ခဲ့ပါတယ်။

သတင်း

အိန္ဒိယနဲ့နယ်စပ်လမ်းကို ထိုးစစ်ဆင်ဖို့ဆိုပြီး ဝင်လာတဲ့ စစ်ကြောင်းထဲက စစ်ကောင်စီတပ်ဖွဲ့ဝင်သုံးဦး လက်နက်ခဲယမ်းတွေ ယူဆောင် ထွက်ပြေးလာပြီး တမူးခရိုင် အမှတ်(၆)တပ်ရင်းထံ အလင်းဝင်လာပါတယ်။

Facebook