Hi, what are you looking for?
စစ်ကိုင်းတိုင်းရေဦးမြို့မှာရှိတဲ့ဗိုလ်ချုပ်အောင်ဆန်း ကြေးရုပ်ကို ယမန်နေ့(ဇွန်လ ၂၇ရက်) ညနက်ပိုင်းမှာ စစ်အုပ်စုက ဘူဒိုဇာနဲ့ထိုးပြီး ဖြိုချဖျက်ဆီးသွားပါတယ်။
ရုရှားနိုင်ငံထုတ် Mi-17 ရဟတ်ယာဉ် ရပ်နေတုန်း နောက်ပိုင်းကို ဒရုန်းနဲ့တိုက်ခိုက်လိုက်တာကြောင့် အောက်ပိုင်းတွေပျက်စီးသွားတဲ့ ရဟတ်ယာဉ် စက်လုံးလုံးရပ်တန့်သွားချိန်မှာ ဦးခေါင်းပိုင်းကိုနောက်ထပ်ဒရုန်းတစ်စင်းက တိုက်ခိုက်လိုက်လို့ မီးလောင်ပေါက်ကွဲပြီးမီးခိုးလုံးထွက်လာပါတယ် ။ ဒရုန်း ၂ စင်းနဲ့ ထိထိမိမိ တိုက်ခိုက်ခံရတာမို့ စစ်သုံးသယ်ယူပို့ဆောင်ရေးရဟတ်ယာဉ် အကြီးအကျယ်ထိခိုက်ပျက်စီးသွားပါတယ် ။
ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်မှာ ကိုးကန့်တပ်မတော်(MNDAA)နဲ့ တအာင်းတပ်မတော်(TNLA) အောက်ခြေတပ်ဖွဲ့အကြား ပြဿနာဖြစ်ပွားခဲ့မှုကို နှစ်ဖက်တွေ့ဆုံဖြေရှင်းနေပြီး စိုးရိမ်ရတဲ့ အနေအထားမရှိကြောင်း TNLA က ပြောကြားထားပေမယ့် ဒေသတွင်း သတင်းရင်းမြစ်တွေကတော့ နှစ်ဖက်အပြန်အလှန်ဖမ်းဆီးတာ၊ နှစ်ဖက်တပ်တွေ စစ်ရေးပြင်ဆင်တာတွေ ရှိနေတယ်လို့ ပြောပါတယ်။
အာဏာသိမ်းစစ်တပ်ထံဖေဖော်ဝါရီ ၁၈ရက်မှာ ပူးပေါင်သွားတဲ့ ဗမာအမျိုးသားတော်လှန်ရေးတပ်မတော် (BNRA) အဖွဲ့ခေါင်းဆောင် ဗိုလ်နဂါးအပါအဝင် တပ်ဖွဲ့ဝင်တွေ ရာဇဝတ်ပြစ်မှုကျူးလွန်မှုခဲ့တာတွေကို တိုင်တန်းချက်များ ရှိလို့ အရေးယူဆောင်ရွက်ခဲ့ကြောင်း အမျိုးသားညီညွတ်ရေးအစိုးရ၊ ပြည်ထဲရေးနဲ့ လူဝင်မှုကြီးကြပ်ရေးဝန်ကြီးဌာနက သတင်းထုတ်ပြန်ပါတယ်။
တနင်္သာရီတိုင်း၊ ထားဝယ်မြို့နယ် နည်းပညာတက္ကသိုလ်ကျောင်းဝင်းအတွင်းမှာ တပ်စွဲထားတဲ့စစ်ကောင်စီတပ်ဖွဲ့တွေကို တော်လှန်ရေးရဲဘော်တွေက ဝင်ရောက်တိုက်ခိုက်စဉ် စာသင်ခန်းအတွင်း ပုန်းနေတဲ့ စစ်ကောင်စီတပ်ဖွဲ့ဝင်တွေကအသက်ရှင်ခွင့်ပေးဖို့ တော်လှန်ရေးရဲဘော်တွေထံ ငိုယိုတောင်းဆိုတဲ့ ရုပ်သံကို စခန်းသိမ်းတိုက်ပွဲဆင်နွှဲခဲ့တဲ့ ဒူရကစစ်ကြောင်းက ဒီကနေ့ ထုတ်ပြန်ခဲ့ပါတယ်။