မေး – ပင်နီစလင်ရှော့ဖြစ်ဖူးပါတယ်။ ကာကွယ်ဆေးထိုးလို့ရပါသလား။
ဖြေ – ထိုးလို့ရပါတယ်။ အဲဒါပေမဲ့လို့ ကာကွယ်ဆေးထိုးမဲ့စင်တာက ဆရာဝန်၊ဆရာမတွေကိုတော့ ပင်နီစလင်ရှော့ဖြစ်ဖူးကြောင်း ပြောဖို့လိုပါတယ်။
မေး – ကိုဗစ်ဖြစ်ပြီး တစ်လလောက်ဆိုရင် ကာကွယ် ဆေးထိုးလို့ရပါသလား။
ဖြေ – ကိုဗစ်ဖြစ်ပြီးတော့ ကိုဗစ်ရဲ့ရောဂါလက္ခဏာတွေ ပျောက်ကင်းပြီး ၇ ရက်ကနေ ၁၀ ရက်ရှိပြီဆိုရင် ကာကွယ်ဆေးထိုးလို့ ရပါတယ်။
မေး – Covid Shield တစ်ကြိမ် ထိုးပြီးသားပါ။ နှစ်လကျော်နေပါပြီ။ နောက်တစ်ကြိမ်ထိုးဖို့အဆင်မပြေရင် ကာကွယ်ပြီးသား ဖြစ်ပါသလား။
ဖြေ – Covid Shield တစ်ကြိမ်က ကာကွယ်သင့်သလောက် ကာကွယ်ပါတယ်။ နောက်ကြိမ်ထပ်ထိုးဖို့ကိုတော့ သုံးလအတွင်းဖြစ်တယ်ဆိုရင် Covid Shieldပဲရအောင်ရှာထိုးပါ။ အကယ်၍ (Covid Shield)မရနိုင်ဘူး သုံးလကျော်သွားပြီဆိုရင်တော့ တခြားကာကွယ် ဆေးကို အစကနေ ပြန် ထိုးပေးပါ။
မေး – နှလုံးစည်းချက်မမှန်တဲ့ရောဂါရှိသူ မွေးရာပါ နှလုံးအပေါက်ပါတဲ့သူ ကာကွယ်ဆေးထိုးလို့ရပါသလား
ဖြေ – ရပါတယ် ခင်ဗျာ။ ဘာကာကွယ်ဆေးဖြစ်ဖြစ်ထိုးပါ။
မေး – သည်းခြေထုတ်ထားပါတယ်။ ဆီးချိုရောဂါလည်း ရှိပါတယ်။ ကိုဗစ်ကာကွယ်ဆေး ထိုးလို့ရပါသလား
ဖြေ – ထိုးလို့ရပါတယ် ခင်ဗျာ။ ထိုးပါ။
မေး – အဖျားလည်းနည်းနည်းရှိနေရင် ကိုဗစ်ကာကွယ်ဆေးထိုးလို့ ရပါသလား။
ဖြေ – မရပါဘူး ခင်ဗျာ။ အဖျားမရှိ အောက်ဆီဂျင်မကျ ခေါင်းမကိုက် နှာမစေး ချောင်းမဆိုးစတဲ့ ကိုဗစ်ရောဂါလက္ခဏာတွေပျောက်လို့ အနည်းဆုံး ၇ ရက်ကနေ ၁၀ ရက်ရှိမှ ထိုးလို့ရပါတယ်။
မေး – ကိုဗစ်ကာကွယ်ဆေးထိုးပြီးရင် ဆေးရဲ့သက်ရောက်မှုရှိမရှိ ဘယ်လိုစစ်ရပါသလဲ။
ဖြေ – ဘာမှမဆိုင်ပါဘူး။ ကျွန်တော်ဆိုရင် ကျွန်တော်နေတဲ့ အင်္ဂလန်နိုင်ငံမှာ ကာကွယ်ဆေးနှစ်ကြိမ် ထိုးပြီးပါပြီ။ ဘာမှ ကျွန်တော်တို့ ထပ်မစစ်ပါဘူး။
မေး – ကိုဗစ်ကာကွယ်ဆေးထိုးပြီး ၃၊ ၄ ရက်ရှိပါပြီ။ ပိုးသတ်ဆေးသောက်လို့ ရပါသလား။
ဖြေ – ကာကွယ်ဆေးထိုးပြီး ၃၊ ၄ ရက်လောက်မှာ ဖျားတာက ကာကွယ်ဆေးကို ကိုယ်ခန္ဓာက react လုပ်နေတာဖြစ်ပါတယ်။ ကျွန်တော်ကတော့ ချောင်းမဆိုးဘူး သလိပ်မထွက်ဘူးဆိုရင် ပိုးသတ်ဆေးသောက်ဖို့ မလိုဘူးလို့ ထင်ပါတယ်။ ပါရာစီတမောနဲ့ ရေလေးပဲသောက်ပေးပါ။ ပြီးတော့ တစ်ရက်နှစ်ရက်လောက်စောင့်ကြည့်ပါ။ မသက်သာဘူးဆိုရင်တော့ ဆရာဝန်၊ဆရာမနဲ့ ပြကြည့်ပါ။ နောက်ပြီးတော့ ကာကွယ်ဆေးထိုးပြီး ၃၊ ၄ ရက်အကြာမှာလည်း ကိုဗစ်ရောဂါဝင်တတ်ပါတယ်။ အဲဒါကြောင့် မပေါ့ပါနဲ့။
မေး – ကာကွယ်ဆေးထိုးပြီး ၅ ရက်လောက်မှာ ရင်ကြပ်ပါတယ်။ နှလုံးခုန်တွေလည်း မြန်လာပါတယ်။ နောက်တစ်ကြိမ်ထိုးရင် ဒီအခြေအနေမျိုး ထပ်ဖြစ်နိုင်ပါသလား။
ဖြေ – ကျွန်တော့်ကိုယ်တွေ့ ပြောရရင်တော့ ပထမအကြိမ်မှာရော ဒုတိယအကြိမ်မှာရော side-effect ရပါတယ်။ ခေါင်းကိုက်ပါတယ်။ အဖျားတက်ပါတယ်။ အဲဒါက ၃ ရက်လောက်ကြာပါတယ်။ ပထမအကြိမ်မှာ
side-effect ရထားတယ်ဆိုရင် ဒုတိယအကြိမ်မှာလည်း side-effect ရနိုင်ခြေပိုများပါတယ်။
မေး – ကာကွယ်ဆေးထိုးထားတဲ့သူတစ်ယောက်က Carrier(ရောဂါပိုးသယ်ဆောင်သူ)ဖြစ်နိုင်ပါသလား။
ဖြေ – ဖြစ်နိုင်ပါတယ်။ ကာကွယ်ဆေးထိုးထားတဲ့လူတစ်ယောက်က မိမိကိုယ်တိုင် ရောဂါကူးစက်ခံရသူဖြစ်နိုင်သလို မိမိကသူတပါးကို ရောဂါပေးတဲ့သူ ကူးစက်စေတဲ့သူလည်း ဖြစ်နိုင်ပါတယ်။ အဲဒီအတွက်ကြောင့်မိုလို့ ကာကွယ်ဆေးထိုးပြီးပြီဆိုပြီး မပေါ့ပါနဲ့။ Mask တပ်ပါ။ ရှေ့ကနေ မျက်နှာအကာအကွယ်တပ်ပေးပါ။ လက်ကို စက္ကန့် ၂၀ သေချာစေးပေးပါ။ ရေးနဲ့စပ်ပြာနဲ့မရရင် ဟမ်းဂျယ်နဲ့သေသေချာချာစေးပေးပါ။ ဖြစ်နိုင်ရင် အိမ်ထဲကအိမ်ပြင်မထွက်ပါနဲ့။
Source – ကျန်းမာရေးဝန်ကြီးဌာန ၊အမျိုးသားညီညွန်ရေးအစိုးရ (NUG)