“(ငလျင်ကြီး​ကြောင်းပျက်စီးဆုံးရှုံးမှု​တွေ ကြီးမား​စေခဲ့တာရဲ့ အဓိကတာဝန်ရှိသူ) ဒါက​တော့ရှင်းပါတယ် ။ လက်ရှိအာဏာသိမ်းအုပ်ချုပ်​နေတဲ့ အကြမ်းဖက်သမား​တွေပဲ​ပေါ့”

— မြေငလျင်ပညာရှင် ဦးစိုးသူရထွန်းနဲ့​ မေးမြန်းခန်း

ဒီပ၊​ဇော်ရမ်း/People’s Spring

မြန်မာ့သမိုင်းမှာလူ​သေဆုံးမှုနဲ့ ပျက်စီးဆုံးရှုံးမှုအကြီးမားဆုံး ​မြေငလျင်ကြီး မတ်လ ၂၈ ရက်က လှုပ်ခတ်ခဲ့ပါတယ် ။

Public Service Announcement

ဒီ​မြေငလျင်ကြီးဘာ​ကြောင့် ဖျက်အားပြင်းတဲ့အ​ကြောင်းအရင်း ၊ အရင်အစိုးရ​တွေလက်ထက်က ငလျင်အတွက်ကြိုတင်ပြင်ဆင်ထားတာတွေကို စစ်​ကောင်စီကဖျက်ဆီးခဲ့ပုံ​တွေ ၊ ပြည်သူ​တွေ ​သေဆုံးပျက်စီးမှုများခဲ့တာရဲ့အဓိကတရားခံ ဘယ်သူလဲ ၊ နောက်ဆက်တွဲ ငလျင်မှာအင်အားကြီး ငလျင်တွေထပ်လာနိုင်၊မလာနိုင် ၊ ​နောက်ဆက်တွဲ​​​မြေငလျင် နဲ့ ငလျင်​ကောလဟလ​တွေအတွက် သတိထားသင့်တဲ့အချက်​တွေ ၊ ​မြေငလျင်ကယ်ဆယ်​ရေးလုပ်​နေသူ​တွေအတွက်အကြံပြုချက် စတာ​တွေကို ​မြေငလျင်ပညာရှင် ဦးစိုးသူရထွန်းကို မတ်လ ၃၀ ရက်​နေ့မှာ People’s Spring ကဆက်သွယ်​မေးမြန်းထားပါတယ် ။

ဦးစိုးသူရထွန်းဟာမြန်မာနိုင်ငံ ငလျင်ကော်မတီ အတွင်းရေးမှူး အဖြစ်တာဝန်ထမ်း​ဆောင်ခဲ့သလို အခုအခါမှာ အမျိုးသားညီညွတ်​ရေးအစိုးရ (NUG) ၊ လျှပ်စစ် နဲ့စွမ်းအင် ဝန်ကြီးတာဝန်ထမ်း​ဆောင်​နေတဲ့ အင်ဂျင်နီယာနဲ့ ​မြေငလျင်ပညာရှင် ဖြစ်ပါတယ်။