KIA က စစ်​ကောင်စီ စခန်း နှစ်ခုကို သိမ်းပိုက်

ကချင် လွတ်​မြောက်​ရေးတပ်မ​တော်(KIA) က ဧပြီ ၁၉ ရက်တွင် အာဏာသိမ်းစစ်​ကောင်စီ၏ စခန်းနှစ်ခုကိုသိမ်းပိုက်ခဲ့​ကြောင်း KIAမှ အရာရှိတစ်ဦးက​ပြောသည်။

ကချင်ပြည်နယ် အင်ဝမ်းယာန်အနီး လဂတ်​တောင်တွင်တပ်စွဲထား​သော အာဏာသိမ်းစစ်​ကောင်စီ၏ ခမရ (​ခြေမြန်တပ်ရင်း)၃၈၉ ကို KIAက ထိုးစစ်ဆင်တိုက်ခိုက်ရာ ဧပြီ ၁၉ ရက် ​ည ၁၂ နာရီတွင် သိမ်းပိုက်နိုင်ခဲ့သည်။

ထို့အပြင် တန်​ဂေါင်ဆု​တောင်း​တောင် တွင် အ​ခြေစိုက်​နေ​သော စစ်​ကောင်စီ၏ တပ်မ ၃၃ နှင့် ခလရ ၇၆ တို့၏ တပ်စခန်းကို KIA က ထိုးစစ်ဆင်တိုက်ခိုက်ပြီး ယမန်​နေ့ည​နေ ၆ နာရီ ၄၀ တွင်သိမ်းပိုက်နိုင်ခဲ့​ကြောင်း အထက်ပါအရာရှိက​ပြောသည်။

ဧပြီ ၁၉ ရက်တွင် KIA တပ်ဖွဲ့ဝင်များက ဆဒုံးအ​ခြေစိုက်ရဲစခန်း ၊ မဲခွဲရာအနီးလှုပ်ရှား​နေ​သော စစ်​ကောင်စီတပ်ဖွဲ့ဝင် ၆၀ ခန့် ၊မိုးညှင်းမှထွက်လာ​​သော စစ်ကားတစ်စီး ၊နမ်းမား မှ မြစ်ကြီးနားသို့ထွက်လာ​သော ​လေယာဥ်ဆီသယ် စစ်ကားနှစ်စီး တို့ကို တိုက်ခိုက်ခဲ့ပြီး စစ်​ကောင်စီတပ်ဖွဲ့ဝင်များအကျအဆုံးများခဲ့​ကြောင်း KIA မှ အရာရှိတစ်ဦးက​ပြောသည် ။

Public Service Announcement

ထိုအပြင် ဆီးဆတ်နှင့် ပန်​ခေါင်ယာန်ကြား စစ်​ကောင်စီ၏ ခမရ ၃၅၈ နှင့်
KIAတပ်ဖွဲ့ဝင်များကြားတိုက်ပွဲပြင်းထန်စွာဖြစ်ပွားပြီး စစ်​ကောင်စီတပ်ဖွဲ့ဝင်များ ကျဆုံးမှုများခဲ့​ကြောင်း ၎င်းကဆက်​ပြောသည်။

ယခုအခါ ကချင်ပြည်နယ်ရှိ ​နေရာအနှံအပြားတွင် KIA က စစ်​ကောင်စီတပ်ဖွဲ့ဝင်များကို ထိုးစစ်ဆင်တိုက်ခိုက်လျက်ရှိပြီး ၊ တပ်စခန်းမျာကို ဆက်တိုက်သိမ်း
ပိုက်​နေသည်။ တိုက်ပွဲများတွင် အာဏာသိမ်းစစ်​ကောင်စီ တပ်ဖွဲ့ဝင်များကျဆုံးမှုများပြား​လျှက်ရှိသည်။