ချင်းပြည်နယ် ဆူခွားမြို့ရှိ အာဏာသိမ်းစစ်ကောင်စီတပ်စခန်းတစ်ခုအား သိမ်းပိုက်ပြီး မီးရှို့ဖျက်ဆီးခဲ့သည့် ဓာတ်ပုံများကို ချင်းအမျိုးသားကာကွယ်ရေးတပ်(CDF) က ယနေ့ ညပိုင်း၌ထုတ်ပြန်သည်။
ယနေ့ မနက်ပိုင်း ၁၁ နာရီခွဲ ဝန်းကျင်တွင် ချင်းပြည်နယ် ဟာခါးမြို့နှင့် မိုင် ၅၀ခန့် အကွာရှိ ဆူခွား မြို့ရှိအကြမ်းဖက် စစ်အာဏာရှင်၏ တပ်စခန်းကို CDF-Hakha မှ သိမ်းပိုက်ခဲ့သည်။
ထိုသို့ သိမ်းပိုက်ရာတွင် စခန်းရှိ ရဲနှင့် စစ်သားများက ကြိုတင် တိမ်းရှောင်သွား၍ တိုက်ပွဲ မဖြစ်ခဲ့ပေ။
အဆိုပါ တပ်စခန်းရှိ ရဲ ၇ဦး စစ်သည် ၄ဦး တို့သည် ဂန့်ဂေါမြို့သို့ တိမ်းရှောင်သွားခြင်းဖြစ်ကြောင်း ချင် ဒေသခံ ကပြောသည်။
Public Service Announcement
စစ်သူပုန်တွေ ခြေကုတ်ယူထားသည့် နေအိမ် (၄)ခုနှင့်အတူ အချို့သော စာရွက်စာတမ်းများကို မီးရှို့ဖျက်ဆီးခဲ့ကြောင်း၊ လူ့အသက် အန္တရယ်ပေးနိုင်သော လက်နက်များလည်း သိမ်းယူခဲ့ ကြောင်း CDFက ထုတ်ပြန်သည်။
CDF အနေဖြင့် စစ်ကောင်စီ တပ်စခန်းကို ပထမဆုံးအကြိမ် သိမ်းပိုက်ခဲ့ခြင်းဖြစ်သည်။
