Connect with us

Hi, what are you looking for?

LuduNwayOo

News

ကာကွယ်ဆေးထိုးစင်တာ ဖြစ်လာတဲ့ ဒရက်ကူလာ ရဲတိုက်ကြီး

ဒရက်ကူလာ ရဲတိုက်ကြီးကို ကာကွယ်ဆေးထိုး စင်တာအဖြစ် ရိုမေးနီးယား အစိုးရက ယာယီ ပြောင်းလဲထားဖို့ ဆုံးဖြတ်လိုက်ပါတယ်။

ထရန်ဆယ်လ်ဗေးနီးယန်း နယ်မြေဟောင်းမှာ တည်ရှိပြီး တောအုပ်ထဲက ကျောက်ဆောင် တစ်ခုပေါ် တည်ထားတဲ့ ဘရန်း ရဲတိုက်ကြီးဟာ ကမ္ဘာကျော် သွေးစုပ်ဖုတ်ကောင် ဝတ္ထုထဲက အဓိက ဇာတ်ဆောင် နယ်စားကြီး ဒရက်ကူလာ နေထိုင်ခဲ့တဲ့ နေရာအဖြစ် လူသိများပါတယ်။ ဒီရဲတိုက်ကြီးဟာ နာမည်ရင်းထက် ဒရက်ကူလာ ရဲတိုက်ကြီးဆိုပြီး နာမည်ပိုကြီးပါတယ်။ စာရေးဆရာ ဘရမ်း စတိုကာ ရေးသားခဲ့တဲ့ ဝတ္ထုထဲက သွေးစုပ်ဖုတ်ကောင်ဟာ ရက်စက် ကြမ်းတမ်းလွန်းတဲ့ နယ်ူစားဟောင်း ဗလက်ဒ်နဲ့ သူ့ရဲ့ ရဲတိုက်ကြီးကို အခြေတည်ထားတာလို့ စာပေသမိုင်း ပညာရှင်တွေက ယုံကြည်ကြပါတယ်။

ဘူခါရက်ခ်မြို့တော် မြောက်ပိုင်းမှာ တည်ရှိတဲ့ ၁၄ ရာစုလက်ရာ ရဲတိုက်ကြီးဟာ ဒရက်ကူလာ နေထိုင်ခဲ့တဲ့ နေရာအဖြစ် ကျော်ကြားပြီး နှစ်စဉ် ကမ္ဘာလှည့် ခရီးသည်တွေ အများအပြား လာရောက် လည်ပတ်လေ့ ရှိပါတယ်။ အခုတော့ ဒီနေရာကို ကာကွယ်ဆေးထိုး စင်တာအဖြစ် အသုံးပြုတော့မှာပါ။ ရဲတိုက်ကြီးကို လာရောက် လည်ပတ်တဲ့ ဧည့်သည်တွေ အနေနဲ့ သူတို့ရဲ့ ခန္ဓာကိုယ်ထဲကို သွေးစုပ်ဖုတ်ကောင် အစွယ်တွေ စိုက်ဝင်မလာပေမယ့် ဆေးထိုးအပ် စိုက်ဝင်လာတာနဲ့တော့ ကြုံတွေ့ရပါလိမ့်မယ်။

ရိုမေးနီးယား အစိုးရဟာ နိုင်ငံအနှံ့မှာ ကာကွယ်ဆေး ထိုးနှံမှု အစီအမံတွေ အရှိန်မြှင့်ဖို့ ကြိုးစားနေပြီး ဘရန်း ရဲတိုက်ကြီးမှာလည်း ဆေးပညာရှင်တွေက အခြေစိုက်ပြီး လာရောက်လည်ပတ်သူတွေကို ဆေးထိုးပေးဖို့ စီစဉ်ခဲ့တာပါ။ အစိုးရဟာ စက်တင်ဘာလ မတိုင်ခင် နိုင်ငံလူဦးရေ ၁၀ သန်းလောက်ကို ကာကွယ်ဆေး ထိုးနှံနိုင်ဖို့ ကြိုးစားနေပါတယ်။

နယ်စားကြီး ဗလက်ဒ်ဟာ ရက်စက် ကြမ်းကြုတ်ပြီး သူအုပ်စိုးခဲ့ရာ ဝါလာချီရာ ဒေသမှာ လူပေါင်းများစွာကို တံကျင်လျှိုပြီး ရက်ရက်စက်စက် သတ်ဖြတ်ခဲ့သူအဖြစ် ထင်ရှားပါတယ်။ သူ့ရဲ့ နည်းလမ်းပေါင်းစုံနဲ့ ရက်စက် ကြမ်းကြုတ်မှုတွေအကြောင်း မှတ်တမ်းတင် ရေးသားမှုတွေဟာ ဥရောပ စာပေသမိုင်းမှာ လူသိများပြီး စာရေးဆရာ စတိုကာက ဒရက်ကူလာ ဇာတ်ကောင်ကို ဖန်တီးရာမှာ ဗလက်ဒ်ကို အဓိက ကိုးကားခဲ့တယ်လို့ သိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

ရဲတိုက်ကို ပြီးခဲ့သည့် ၂၀၂၁ ဧပြီ ၃ ရက်တွင် သမိုင်းလမ်းဆုံ၌ စစ်ကောင်စီတပ်ဖွဲ့ဝင်များက ဖမ်းဆီးခဲ့ခြင်းဖြစ်ပြီး စိတ်ကြွမူးယစ်ဆေးပြား လက်ဝယ်တွေ့ရှိသည်ဟုဆိုကာ မူးယစ်ဆေးဝါးနှင့်စိတ်ကိုပြောင်းလဲစေ‌သောဆေးဝါးများဆိုင်ရာ ဥပဒေပုဒ်မ ၁၆(ဂ) ဖြင့် မရမ်းကုန်းမြို့နယ်၌ တရားစွဲဆိုခဲ့သည်။

News

သူတို့ ၃ ဦးကို NLD ပါတီဗဟိုအလုပ်အမှုဆောင်အဖွဲ့က ထုတ်ပြန်တဲ့စာ ၂ စောင်ပတ်သက်ပြီး တရားစွဲဆိုတာဖြစ်ပါတယ်။

News

ပုဒ်မ ၅၀၅ က ဖြင့် မတရားဖမ်းဆီးခံရထားသည့် ပြေတီဦးတို့ ဇနီးမောင်နှံ နှစ်ဦးစလုံး အင်းစိန်အကျဥ်းထောင်သို့ ပြီးခဲ့သည့်ရက်ပိုင်းက ရောက်ရှိခဲ့သည်။