Connect with us

Hi, what are you looking for?

LuduNwayOo

News

ဒီး​မော့ဆိုပြည်သူများကို စစ်​ကောင်စီက ရဟတ်ယာဥ်၊ သံချပ်ကာတို့ဖြင့် တိုက်ခိုက်​နေ

ကယားပြည်နယ် ဒီးမော့ဆိုမြို့၌ ဒေသခံပြည်သူ့ကာကွယ်ရေးတပ်(PDF)နှင့် အာဏာသိမ်း စစ်ကောင်စီတပ်တို့ ယနေ့တိုက်ပွဲပြင်းထန်ခဲ့ပြီး စစ်ကောင်စီက သံချပ်ကာယာဉ်နှင့် ရဟတ်ယာဉ် အသုံးပြုမှု အပါအဝင် အင်အားအများအပြား စစ်ကူပို့ဆောင်တိုက်ခိုက်ခဲ့ကြောင်း PDF က ပြောသည်။

ဒီးမော့ဆိုမြို့၌ သုံးရက်မြောက် တိုက်ပွဲသည် ယနေ့မွန်းလွဲပိုင်း၌ ဖြစ်ပွားခဲ့ရာ ၄နာရီကျော်ကြာ ပစ်ခတ်မှုများ ဖြစ်ပွားခဲ့ကြောင်း ကရင်နီပြည်သူ့ကာကွယ်ရေးတပ်ဖွဲ့(KPDF)က ထုတ်ပြန်သည်။

စစ်ကောင်စီမှ ငွေတောင်ဆည်တစ်လျှောက် အင်အားဖြန့်ကျက်ပြီး စက်သေနတ်များ ၊ လက်နက်ကြီးများဖြင့် ရမ်းသမ်းပစ်ခတ်ခဲ့ကြောင်း ယနေ့ တိုက်ပွဲ၌ စစ်ကောင်စီက လက်နက်ကြီး အချက်ရေ ၂၀၀ ခန့် ပစ်ဖောက်ခြိမ်းခြောက်ခဲ့ကြောင်း KPDF ထုတ်ပြန်ချက်၌ ပါရှိသည်။

ထို့ပြင် ၆မိုင်၊ ငွေတောင်၊ ဒေါငံခါးနှင့် ဒီးမော့ဆို ကောင်းကင်ယံတွင် အကြမ်းဖက် စစ်ကောင်စီမှ လေကြောင်းတပ်ကူတစ်စီး မိနစ်အတော်ကြာ ပျံဝဲခဲ့ကြောင်း တိုက်ခိုက်ရေး ရဟတ်ယာဉ်တစ်စီး၏ ဓာတ်ပုံ နှင့်အတူ KPDFက ထုတ်ပြန်ခဲ့သည်။မြေပြင်ရောက်ရှိနေသည့် PDF တပ်ဖွဲ့ဝင်တစ်ဦးကလည်း ဒီးမော့ဆိုမြို့ပေါ်သို့ စစ်ကောင်စီ၏ တိုက်ခိုက်ရေးရဟတ်ယာဉ် လှည့်ပတ်ပစ်ခတ်နေသည့် ရုပ်သံဖိုင်ကို ဖော်ပြခဲ့သည်။

ဒီးမော့ဆိုမြို့မရဲစခန်းကို PDF က သိမ်းယူနေစဉ် စစ်ကောင်စီက သံချက်ကာယာဉ်များနှင့် စစ်ကူများ ရောက်လာ၍ ကရင်နီအမျိုးသားတိုးတက်ရေးပါတီ(KNPP/KA) နှင့် PDF တို့ ယနေ့ ညနေ ၅နာရီခွဲတွင် ဆုတ်ခွာခဲ့ကြောင်း PDF တပ်ဖွဲ့ဝင် တစ်ဦးက ၎င်း၏ Facebook စာမျက်နှာ၌ ရေးသားခဲ့သည်။

“စစ်ကောင်စီဘက် အထိခိုက် ကျဆုံးများနိုင်ပြီး စခန်းထဲ မီးတွေ လောင်နေတယ်။ ဒီးမော့ဆိုဝန်းကျင်က ရွာတွေမှာလည်း နေရာတော်တော်များများ တိုက်ပွဲပြင်းထန်နေပြီး စစ်ကောင်စီဘက်က ကျဆုံးမှုတွေ အတော်များနေပါတယ်။ စစ်ကောင်စီက လက်နက်ကြီးတွေကို လူနေရပ်ကွက်ထဲ ရမ်းသမ်းပစ်ထည့် နေပါတယ်။ လက်နက်ကြီးကြောင့် အရပ်သား ၂ဦး ထိခိုက်ဒဏ်ရာရ၊ ဗုံးဒဏ်ကြောင့် ရပ်ကွက်နေ အရပ်သားများ အရေးပေါ် ရွှေ့ပြောင်းတိမ်းရှောင်နေရ၍ အကူအညီလိုအပ်” ဟု ၎င်းက ဆိုသည်။

KNPPနှင့် အာဏာသိမ်းစစ်ကောင်စီတို့ မေလ ၂၀ရက်တွင် ဘောလခဲမြို့နယ်အတွင်း တိုက်ပွဲဖြစ်ပွားပြီးနောက် ဒီးမော့ဆိုမြို့နယ်တွင် မေလ ၂၁ရက်မှစ၍ သုံးရက်ဆက်တိုက် တိုက်ပွဲများ ဖြစ်ပွားခဲ့သည်။

ထို့ပြင် ယနေ့ မေလ ၂၃ရက်တွင် ကယားပြည်နယ်နှင့် နယ်မြေချင်းထိစပ်နေသည့် ရှမ်းပြည်နယ် ဖယ်ခုံမြို့နယ် မိုးဗြဲမြို့ ရဲစခန်းကို PDFက ယနေ့မနက်ပိုင်းတွင် ဝင်ရောက်တိုက်ခိုက် သိမ်းပိုက်ခဲ့ရာ စစ်ကောင်စီ တပ်ဖွဲ့ဝင် ၁၄ဦးထက်မနည်းသေဆုံးခဲ့သည်။

ထို့ပြင် ရဲ ၄ဦး ဖမ်းဆီးရမိခဲ့ပြီး လက်နက်ခဲယမ်းအများအပြား သိမ်းဆည်းရမိခဲ့ဟု PDFက ဆိုသည်။

You May Also Like

သတင်း

အဆိုပါ တိုက်ပွဲများအတွင်း စစ်ကောင်စီတပ်မှ သေဆုံးထိခိုက်များပြားခဲ့ပြီး မောင်းပြန် သေနတ် ၂လက် သိမ်းဆည်းရမိခဲ့သည်ဟု အသိပေးထားသည်။

သတင်း

ဒီလိုစာရင်းကောက်တာ ကို ရက်ပေါင်း ၂၀ အတွင်း ကောက်ယူခဲ့တာဖြစ်ပြီး ရခိုင်ပြည်နယ်မှာ ၉၉ ရာခိုင်ကျော်ကောက်ယူပြီးစီးခဲ့တယ်လို့ စစ်ကောင်စီလဝက ဝန်ကြီးကဆိုပါတယ်။

သတင်း

ဖေဖော်ဝါရီ ၅ရက်က တန့်ဆည်မြို့ ဘောလုံးကွင်းမှ ထွက်လာသော (၃၆၁၊ ၃၆၇)တပ်တို့မှ စစ်ကောင်စီတပ်သားနှင့် ပျူစောထီးများသည် သပြေရင်းကျေးရွာ တစ်ညအိပ်တပ်စွဲခဲ့သည်။

သတင်း

ဗိုလ်ဝကြီးဆိုသူသည် မိတ္ထီလာမြို့တွင် သင်္ဂြိုလ်လိုက်ရပြီး မိုင်းထိခဲ့သည့်တပ်သား ငါးဦးလည်း အသက်အန္တရာယ်ထိခိုက်နိုင်ကြောင်း ဇာမဏီပြောက်ကျားတပ်ဖွဲ့တာဝန်ခံက ပြောသည်။