Connect with us

Hi, what are you looking for?

LuduNwayOo

News

ရက်ပေါင်း ၂၀ အတွင်း စစ်ကောင်စီတပ်ဖွဲ့ဝင် ၁၃၀ ခန့် သေဆုံးဟု KNU ထုတ်ပြန်

ယခုမေလ ပထမပတ်မှစ၍ ရက်ပေါင်း ၂၀ အတွင်း အာဏာသိမ်း အကြမ်းဖက် စစ်အုပ်စု နှင့် တိုက်ပွဲဖြစ်ပွားမှု ၁၉၃ ကြိမ် ရှိခဲ့ရာ အကြမ်းဖက်စစ်အုပ်စု ဘက်မှ (၁၂၈) ဦး သေဆုံးခဲ့ဟုကရင်အမျိုးသားအစည်းအရုံး (KNU) သတင်းနှင့် ပြန်ကြားရေးဌာန Thoolei News က ယနေ့ညပိုင်းတွင် သတင်းဖော်ပြသည်။

ကရင်ပြည်နယ် ဖာပွန်ခရိုင်(မူတရော် ခရိုင်) KNU တပ်မဟာ(၅) နယ်မြေအတွင်း စစ်ကောင်စီတက်နှင့် နေ့စဉ်နှင့်အမျှ တိုက်ပွဲ ဖြစ်ပွားခဲ့‌ေကြာင်း‌ ဖော်ပြကာ မေလ (၅)ရက် နေ့မှ (၂၆)ရက် နေ့အထိ တိုက်ပွဲများ၌ နှစ်ဖက် ထိခိုက်မှု အခြေအနေများကို KNUက ထုတ်ပြန်ခဲ့သည်။

စစ်ကောင်စီတပ်မှ သေဆုံးသူများထဲတွင် တပ်ကြပ်ကြီး (၁) ဦး၊ ဗိုလ် (၁) ဦး၊ ဗိုလ်ကြီး (၁) ဦး စုစုပေါင်း အရာရှိ (၃) ဦး သေဆုံး ခဲ့ကြောင်း၊ စစ်ကောင်စီဘက်က ဒဏ်ရာရသူ (၁၈၀) ဦး ရှိခဲ့ပြီး ရိက္ခာသယ်ဆောင်သော မြင်း (၁၂) သေဆုံးကာ ကား (၉) စီး ပျက်စီးခဲ့ကြောင်း Thoolei News က သတင်းဖော်ပြသည်။

KNU ဘက်မှ (၂) ဦးကျဆုံးကာ ထိခိုက်ဒဏ်ရာ ရသူ (၉) ဦးရှိခဲ့ကြောင်း၊ပြည်သူ (၁)ဦးသေဆုံးပြီး ဒဏ်ရာ ရသူ (၅) ဦး ရှိခဲ့‌ေကြာင်း ဖော်ပြထားသည်။

အကြမ်းဖက် စစ်အုပ်စု အနေဖြင့် ကျေးရွားအနီးအနားသို့ လည်းကောင်း၊ ဒေသခံများ ၏ လုပ်ငန်းခွင်များ သို့ လည်းကောင်း လက်နက်ကြီးများ ကို နေ့စဉ် လိုလို ပစ်ခတ် နေကြောင်း ပါရှိသည်ထို့ပြင် စစ်အုပ်စုသည် ဒေသခံများ ၏ ဥစ္စာပစ္စည်းများ ကို မတရား ယူငင်ခြင်း၊ ဒေသခံ လုပ်ငန်းခွင်များ သို့ လက်နက်ကြီးများဖြင့် ပစ်ခတ်ခြောက်လှန့်ခြင်း၊ နေစရာ အဆောက်အဦးများ သို့ ပစ်ခတ်ခြင်းများ စုစုပေါင်း (၉၈) လုံး ခန့် ရှိ‌​ကြောင်းထုတ်ပြန်ခဲ့သည်။

အာဏာသိမ်းအကြမ်းဖက် စစ်အုပ်စု မှ အာဏာသိမ်းပြီးနောက်ပိုင်း တပ်အင်အား တိုးချဲ့ခြင်း၊ လက်နက်ကြီးများ နှင့် လက်နက်ကြီးစစ်သည်များ ပို့ဆောင်ခြင်း များလုပ်‌​​ဆောင်ခဲ့​​ကြောင်းလည်း ဖော်ပြထားသည်။

စစ်တပ်အာဏာသိမ်းပြီး နောက်ပိုင်း KNU တပ်မဟာ(၅)အနေဖြင့် ၎င်းတို့ ဒေသရှိ စစ်ကောင်စီ တပ်စခန်းအချို့ကို တိုက်ခိုက်သိမ်းပိုက်ခဲ့ရာ စစ်ကောင်စီက လေကြောင်း တိုက်ခိုက်မှု များ ပြုလုပ်ခဲ့သည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

စက်တင်ဘာ ၂၈ရက် နံနက်ပိုင်းတွင် ကြာအင်ဆိပ်ကြီးမြို့နယ် ဘုရားသုံးဆူဒေသရှိ ဘုရားတောင် တပ်စခန်းကို KNLA တပ်ရင်း(၁၆)က တိုက်ခိုက် သိမ်းပိုက်ခဲ့ခြင်း ဖြစ်သည်။

သတင်း

ရှမ်းမြောက်ဒေသ တိုက်ပွဲဖြစ်စဉ်များနှင့်ပတ်သက်ပြီး မေးမြန်းရန် KIA သတင်းပြန်ကြားရေးဌာန တာဝန်ရှိသူ ထံသို့ ဆက်သွယ်ရာ အဆက်အသွယ် မရသေးပေ။

သတင်း

ယင်းကဲ့သို့ တိုက်ခိုက်ရာတွင် စစ်ကောင်စီဘက်မှ ထိခိုက်သေဆုံးမှုများရှိပြီး လက်နက်အကြီးအသေး (၁၁)လက် သိမ်းပိုက်ရရှိခဲ့သည်ဟု ကေအဲန်ယူပြောခွင့်ရသူ ပဒိုစောတောနီးက အတည်ပြုပြောကြားသည်။

သတင်း

“ဒုတပ်ရင်းမှူးအပါအဝင် အကုန်လုံးသေတယ်” ဟု တပ်စုမှူးက ပြောကြားခဲ့ပြီး စခန်းကို သိမ်းပိုက်ရခြင်းမှာ ဒေသခံများ သွားလာရေး အခက်ကြုံအောင် လုပ်ဆောင်ခြင်းကြောင့်ဖြစ်သည်ဟု ရှင်းပြသည်။