Connect with us

Hi, what are you looking for?

LuduNwayOo

News

ရာထူးတိုးလို့တပ်​ပြောင်းချိန် တပ်ရင်းမှူးနဲ့ စစ်​ကောင်စီတပ်ဖွဲ့ဝင် ၄ ဦး ဆွဲမိုင်းထိ​သေဆုံး

ဖာပွန်ကနေပြောင်းရွှေ့ဖို့ အမိန့်ကျလာတဲ့ ဖာပွန်မြို့အခြေစိုက် စစ်ကောင်စီ (၄၃၄) တပ်ရင်း ဒုတပ်ရင်းမှူး မိုင်းထိ သေဆုံးသွားခဲ့တယ်လို့ ဒေသခံတစ်ဦးရဲ့ ပြောကြားချက်အရ သိရပါတယ်။

ဒုတပ်ရင်းမှုးက​နေ တပ်ရင်းမှူးရာထူးနဲ့ ​ပြောင်း​ရွှေ့မိန့်ကျလာတာလည်းဖြစ်ပါတယ်။

ဖာပွန်မြို့မှာ အခြေစိုက်တဲ့ စစ်ကောင်စီ တပ် (၄၃၄) တပ်ရင်း ဒုရင်းမှူးဖြစ်သူ စိုးဇင်ထွန်းလိုက်ပါလာတဲ့ စစ်ကောင်စီယာဉ်တန်းတွေဟာ ပြီးခဲ့တဲ့ ဇွန် ၅ ရက်က ဖာပွန်ကနေ ပြန်အဆင်း ကူးဆိပ်နဲ့ မထောကျေးရွာကြားမှာ ဆွဲမိုင်းထိပြီး သေဆုံးသွားခဲ့တာပါ။

ဆိုရှယ်မီဒီယာမှာ တပ်ရင်းမှုးနဲ့စစ်​ကောင်စီတပ်​တွေ ၃၀ ​လောက်​သေတယ်လို့ သတင်းမှား​တွေပျံ့​နေတာလည်း ဖြစ်ပါတယ်။

ဒုတပ်ရင်းမှူးဖြစ်သူ စိုးဇင်ထွန်းနဲ့ ကားပေါ်မှာလိုက်ပါစီးနင်းလာတဲ့ စစ်သည် ၃ ဦးပါ သေဆုံးသွားခဲ့ပြီး ယာဉ်နှစ်စီးပျက်စီးသွားခဲ့တယ်လို့ ဒေသခံတစ်ဦးက ပြောပါတယ်။

” တပ်ရင်းမှူးရာထူးတိုးလို့ ပြောင်းရွှေ့မိန့်ကျလာတာ။ ဖာပွန်ကနေ ပြောင်းရမှာပေါ့။ အဲ့ဒီနေ့က ဖာပွန်ကနေ ယာဉ်တန်းငါးစီးနဲ့ ဆင်းလာတာ သူစီးနေတဲ့ နောက်ဆုံးကား ၅ စီးမြောက်မှာ ထိသွားတာ။ ၄၃၄ ဒုရင်းမှူးနဲ့ ကားပေါ်က စစ်သည် ၃ ဦး ကျသွားတယ်။ ကျန်တဲ့ ကားတစ်စီးကတော့ အရှိန်နဲ့ မှောက်သွားတယ်။ ကားထဲက စစ်သားတွေလည်း ဒဏ်ရာရသွားတာပေါ့” လို့ အဲဒီ​ဒေသခံက ​ပြောပါတယ်။

စစ်ကောင်စီတပ်ဖွဲ့ဝင်တွေ လိုက်ပါစီးနင်းလာတဲ့ ယာဉ်တန်းတွေထဲမှာ မော်လမြိုင်ကနေ ဖာပွန်ကိုတက်လာတဲ့ ခေတ္တဗျူဟာမှူးနဲ့ (၃၄၀) တပ်ရင်းက ဒုရင်းမှူးဖြစ်သူတွေ ပါရှိပြီး (၃၄၀) ဒုတပ်ရင်းမှူးကားပါ တိမ်းမှောက်သွားခဲ့ကာ ဒဏ်ရာအနည်းငယ်ရရှိသွားခဲ့တယ်လို့ အဲ့ဒီဒေသခံဖြစ်သူက ပြောပါတယ်။

စစ်ကောင်စီ ယာဉ်တန်းတွေဟာ မိုင်းဆွဲတိုက်ခိုက်ခံရပြီးတဲ့နောက် KNLA တပ်မဟာ ၅ နဲ့ ပစ်ခတ်မှုတွေ ရှိခဲ့သေးတယ်လို့ သိရပါသေးတယ်။

နယ်မြေခံ KNLA တပ်ဖွဲ့ဝင်တွေရဲ့ ပြောကြားချက်အရ စစ်ကောင်စီယာဉ်တန်း မိုင်းထိရာမှာ ၁၀ ဦးကျော် သေဆုံးခဲ့ပြီး ထိခိုက်ဒဏ်ရာရရှိမှုတွေ များပြားခဲ့တယ်လို့ သိရပါတယ်။

ကရင်ပြည်နယ် ဖာပွန် – ကတိုင်တိလမ်းမပေါ်မှာ KNLA တပ်မဟာ ၅ နဲ့ စစ်ကောင်စီတပ်ဖွဲ့ဝင်တွေကြား နေ့စဉ်လိုလို တိုက်ပွဲတွေက ဖြစ်ပွားနေတာဖြစ်ပါတယ်။

You May Also Like

သတင်း

မြန်မာနိုင်ငံတွင် စစ်အာဏာသိမ်းမှု ၂ နှစ်ပြည့်သည့် ယမန်နေ့(ဖေဖော်ဝါရီ ၁ ရက်)တွင်ပြုလုပ်သော သတင်းစာရှင်းလင်းပွဲ၌ ထည့်သွင်းပြောကြားခဲ့ခြင်းဖြစ်သည်။

သတင်း

အထက်ပါ တိုက်ခိုက်မှုတွင် သာယာဝတီခရိုင် PDF တပ်ရင်း (၃၈၀၂)၊ တပ်ခွဲ ၄ (မိုးညိုမြို့နယ် ပြည်သူ့ကာကွယ်ရေးတပ်ဖွဲ့)ဝင်များ အထိအခိုက်မရှိ အောင်မြင်စွာဆုတ်ခွာနိုင်ခဲ့ကြောင်း အသိပေးထားသည်။

သတင်း

မိုင်း​ဖြင့် နှစ်ကြိမ်ခိုက်သော်လည်း စစ်ကောင်စီတပ်ဘက်မှ ပြန်လည်ပစ်ခက်ဖြစ်မရှိဘဲ ဒုတိယအကြိမ်တွင် ပျက်ဆီးသွားသော ကားပေါ်မှ အချိန်အတော်အတန်ကြာမှသာ ဆင်းလာခဲ့ပြီး တကောင်း(ပ.က.ဖ)မှ မိုင်းသမားများအား လိုက်လံရှာဖွေနေခဲ့ကြောင်း ယင်းတပ်ဖွဲ့က ပြောသည်။

သတင်း

ဒီဖြစ်စဉ်ကို နေပြည်တော်၊ပုဗ္ဗသီရိမြို့နယ်၊ စစ်ကောင်စီလက်အောက်ခံ ထုံးဖိုမြို့နယ်ရဲစခန်းက သေမှုသေခင်းဖွင့်ပြီး စစ်ဆေးနေတယ်လို့သိရပါတယ်။