Connect with us

Hi, what are you looking for?

LuduNwayOo

News

တရုတ်နယ်စပ် မူဆယ်လမ်းမှဝင်လာသည့် ကုန်တင်ယာဉ်များကို လက်နက်ကိုင်အဖွဲ့တစ်ခု မီးရှို့

“ဘောက်ဆာနဲ့မသွားတော့ဘဲနဲ့ ပီပါနဲ့ အောက်ဆွဲနဲ့သွားနေတဲ့ သဘောရှိတယ်” ဟု မူဆယ်ဘက်မှ စက်သုံးဆီကို ဘောက်ဆာနှင့်မသယ်ဘဲ ပီပါများဖြင့် သယ်ဆောင်နေမှုကို ဒေသခံက ပြောပြသည်။

တရုတ်နယ်စပ် မူဆယ်မြို့မှ ပြည်ထောင်စုလမ်းမအတိုင်း ဝင်လာသည့် ကုန်တင်ယာဉ်များကို လက်နက် ကိုင်အဖွဲ့တစ်ခုက ယနေ့နှင့်မနေ့က တိုက်ခိုက် မီးရှို့ဖျက်ဆီးခဲ့ကြောင်း အဆိုပါလမ်းရှိ နမ့်ဖက်ကာ ကျေးရွာ ဒေသခံက People’s Springသို့ ပြောသည်။

တိုက်ခိုက်ခံရသည့် ကုန်တင်ယာဉ်များထဲတွင် စက်သုံးဆီတင်လာသည့် ယာဉ်နှင့် ဘိလပ်မြေတင်လာသည့် ယာဉ် တို့ပါဝင်ကြောင်း ဒေသခံက ပြောသည်။ အဆိုပါလမ်းပိုင်း၌ ကချင်လက်နက်ကိုင်အဖွဲ့(KIA)နှင့် တအာင်းလက်နက်ကိုင်အဖွဲ့(TNLA)တို့အဓိက လှုပ်ရှားကြောင်း ၎င်း ကဆိုသည်။

ယနေ့နံနက်တွင် မူဆယ် – နမ့်ဖက်ကာလမ်းပိုင်း မော်တောင်းနှင့် တာလုံကြားတွင် ကုန်တင်ယာဉ် ၃စီး ကန့်လန့် ပြုလုပ်ကာ တစ်စီးကို မီးရှို့ထားကြောင်း နမ့်ဖက်ကာ ဒေသခံက ပြောသည်။
“အဲဒီနားတော့ တအာင်း(ပလောင်)အဖွဲ့နဲ့ KIAပဲရှိတယ်။ ဒီလိုမတားခင် ဟိုတစ်နေ့က ကားဂိတ်တွေကို လိုက်ပြီး ခရီးမသွားကြဖို့ ကုန်ကားတွေမထွက်ဖို့ အသံဖိုင်ထုတ်ထားတယ်လေ” ဟု ၎င်းကပြောသည်။

လက်နက်ကိုင်အဖွဲ့များအနေဖြင့် စစ်ကောင်စီနှင့် ဆက်စပ်ပတ်သက်သည့် ယာဉ်များကို အဓိက တိုက်ခိုက်သည်ဟု ယူဆရကြောင်း အဆိုပါဒေသခံက ပြောသည်။ KIA အနေဖြင့် ပြီးခဲ့သည့် လပိုင်းအတွင်းက မူဆယ်ဘက်မှလာသည့် လောင်စာဆီတင်ယာဉ် ၇စီးထက်မနည်းကို တိုက်ခိုက်ဖျက်ဆီးထားသည်။

အဆိုပါ ဆီတင်ယာဉ်များသည် စစ်ကောင်စီ အသုံးပြုရန် သယ်လာခြင်းဖြစ်ကြောင်း သတင်းရ၍ တိုက်ခိုက်ခဲ့ခြင်းဖြစ်သည်ဟု KIA သတင်းနှင့်ပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောဆိုထားသည်။

ယမန်နေ့ ဇွန်လ ၁၈ရက်က နမ့်ဖက်ကာ – ကွတ်ခိုင်လမ်းပိုင်း ရှုခင်းသာ၌ မီးရှို့ခံထားရသည့် ယာဉ်များအနက် တစ်စီးသည် စက်သုံးဆီပီပါများတင်ထားသည်ဟု ဒေသခံက ပြောသည်။
“ဘောက်ဆာနဲ့မသွားတော့ဘဲနဲ့ ပီပါနဲ့ အောက်ဆွဲနဲ့သွားနေတဲ့ သဘောရှိတယ်” ဟု မူဆယ်ဘက်မှ စက်သုံးဆီကို ဘောက်ဆာနှင့်မသယ်ဘဲ ပီပါများဖြင့် သယ်ဆောင်နေမှုကို ဒေသခံက ပြောပြသည်။

KIA ၊ TNLA လက်နက်ကိုင်အဖွဲ့များနှင့် စစ်ကောင်စီတပ်တို့သည် ယခု ရက်ပိုင်းအတွင်းကွတ်ခိုင်မြို့နယ်အတွင်း၌ တိုက်ပွဲများ မကြာခဏ ဖြစ်ပွားလျက်ရှိသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

"ပြည်သူတွေကို အိမ်ထဲတွေထိ ဝင်ခေါ်ပြီး ဘုန်းကြီးကျောင်းတွေထဲမှာ ဖမ်းဆီးထားပြီး ဖုန်းတွေ သိမ်းထားတယ်လို့သိရပါတယ်"ဟု မုံရွာမြို့နယ်သတင်းမှန်ပြန်ကြားရေးက ပြောသည်။

သတင်း

စက်တင်ဘာ ၂၉ရက် နံနက်ပိုင်းကစတင်၍ မန်တုံအခြေစိုက် ခလရ(၁၃၀) တပ်ရင်းကို KIA/PDF ပူးပေါင်းတပ်က တိုက်ခိုက်ခဲ့ခြင်းဖြစ်သည်။

သတင်း

အဆိုပါ စစ်ဆင်ရေးအား မုံရွာခရိုင်တပ်ရင်း (၅)-Aung San Force-ASF နှင့်အတူ Special Guerilla Force Monywa၊ မုံရွာခရိုင် တပ်ရင်း ၈/တပ်ရင်း ၉/တပ်ရင်း (၁၀)- Farmers Revolution Force - (FRF)တို့က ပူးပေါင်းဆောင်ရွက်ခဲ့ခြင်းဖြစ်သည်။

သတင်း

"ရွာအထွက်၌ တိုက်မိုင်းတစ်လုံးထိကာ အနည်းငယ် ထိခိုက်ဒဏ်ရာရကြောင်း သိရသည်။ ယခု စစ်ကြောင်းသည် ရွာရှည်ရွာဘက်သို့ ဆက်လက်ဦးတည်နေကြောင်းသိရသည်" ဟု အသိပေးသည်။