'/%3E%3C/svg%3E){kind=small}
ကယားပြည်နယ် ရှားတောမြို့နယ်တွင် စစ်ကောင်စီယာဉ်တန်းကို ကရင်နီအမျိုးသားတိုးတက်ရေးပါတီ (KNPP) က ယနေ့နံနက်ပိုင်းတွင် ကြားဖြတ်တိုက်ခိုက်ခဲ့ကြောင်းကရင်နီဒေသခံက ပြောသည်။
KNPP၏ သတင်းနှင့်ပြန်ကြားရေးဌာန KNICကလည်း လွိုင်ကော်နှင့် ရှားတားမြို့အကြား ပွန်ချောင်းအနီးတွင် ဇူလိုင် ၂ရက် နံနက်ပိုင်းက စစ်ကောင်စီနှင့် ထိတွေ့တိုက်ပွဲဖြစ်ပွားခဲ့သည်ဟု သတင်းဖော်ပြခဲ့သည်။
ယနေ့ နံနက် ၈နာရီတွင် နှစ်ဖက် ထိတွေ့တိုက်ပွဲဖြစ်ပွားခဲ့ရာ စစ်ကောင်စီဘက်မှ ထိခိုက်မှုများရှိခဲ့သည်ဟု ဆို သည်။
စစ်ကောင်စီဘက်မှ ကလလတ(ကရင်နီလူမျိုးပေါင်းစုံပြည်သူ့လွတ်မြောက်ရေးတပ်ဦး)၊ နယ်ခြားစောင့်တပ်နှင့် PNO(ပအိုဝ်းအမျိုးသားအဖွဲ့ချုပ်) တို့နှင့် ပူးပေါင်းပြီး ဇွန်လ ၃၀ရက်နေ့ကစ၍ လွိုင်ကော်မြို့နယ်နှင့် ရှားတောမြို့နယ်အတွင်း စစ်အင်အားများတိုးချဲ့လုပ်ရှားမှုများပြုလုပ်လာ၍ တိုက်ပွဲဖြစ်ပွားခဲ့ခြင်းဖြစ်သည်ဟု KNIC သတင်း၌ ဖော်ပြထားသည်။
Public Service Announcement
စစ်ကောင်စီ၏ ပူးပေါင်းစစ်ရေးလုပ်ရှားမှုသည် KNPP ထိန်းချုပ် သွားလာလှုပ်ရှားသည့် နယ်မြေအတွင်း ရောက်ရှိနေ၍ တိုက်ပွဲများ ဆက်လက် ဖြစ်ပွားလာနိုင်ကြောင်းလည်း ဖော်ပြခဲ့သည်။
