Connect with us

Hi, what are you looking for?

LuduNwayOo

News

ကွတ်ခိုင်မြို့နယ်တွင် KIAနှင့် အာဏာသိမ်းစစ်တပ် တိုက်ပွဲဖြစ်

KIA တပ်မဟာ(၄) တပ်ရင်း(၈) နယ်မြေ မန်လုံနှင့် ကောင်းလိမ်ရွာ ကြားတွင် ဇူလိုင်လ(၄)ရက် နေ့မနက် ၈နာရီ ခန့်မှ စ၍ တိုက်ပွဲဖြစ်ပွားခဲ့ကြောင်း၊ အာဏာသိမ်းစစ်တပ် တပ်မ(၉၉) အဖွဲ့မှ နမ့်ဖလွန်မှ ရှုခင်းသာ မန်လုံတောင်ဘက် သို့ ထိုးစစ်ဆင်လှုပ်ရှားလာ၍ KIA က ခုခံတိုက် ခိုက်ခြင်းဖြစ်ကြောင်း ဖော်ပြထားသည်။

ပုံအ​ဟောင်းသာဖြစ်ပါသည်

ရှမ်းပြည်နယ်မြောက်ပိုင်း ကွတ်ခိုင်မြို့နယ် ကောင်းလိမ်ရွာအနီးတွင် ကချင်လက်နက်ကိုင်အဖွဲ့(KIA)နှင့် အာဏာ သိမ်းစစ်တပ်တို့ တိုက်ပွဲဖြစ်ပွားခဲ့ကြောင်း KIA သတင်းနှင့်ပြန်ကြားရေးဌာန Kachinnet Burmese က ယနေ့ ညပိုင်းတွင် သတင်းထုတ်ပြန်သည်။

KIA တပ်မဟာ(၄) တပ်ရင်း(၈) နယ်မြေ မန်လုံနှင့် ကောင်းလိမ်ရွာ ကြားတွင် ဇူလိုင်လ(၄)ရက် နေ့မနက် ၈နာရီ ခန့်မှ စ၍ တိုက်ပွဲဖြစ်ပွားခဲ့ကြောင်း၊ အာဏာသိမ်းစစ်တပ် တပ်မ(၉၉) အဖွဲ့မှ နမ့်ဖလွန်မှ ရှုခင်းသာ မန်လုံတောင်ဘက် သို့ ထိုးစစ်ဆင်လှုပ်ရှားလာ၍ KIA က ခုခံတိုက် ခိုက်ခြင်းဖြစ်ကြောင်း ဖော်ပြထားသည်။

တိုက်ပွဲဖြစ်နေသည့် အချိန်တွင် ကွတ်ခိုင် ဗျူဟာကုန်းဘက်မှ တိုက်ပွဲ ဖြစ်ရာဘက်သို့ လက်နက်ကြီး ပစ်ကူများ ပေးခဲ့ကြောင်း ဖော်ပြထားသော်လည်း တိုက်ပွဲကြောင့် နှစ်ဖက်ထိခိုက်ကျဆုံးမှု အခြေ အနေများကိုမူ ဖော်ပြမထားပေ။

“ကောင်းလိမ်ဆိုတာ ရှုခင်းသာ ဟိုးကြားထဲက ရွာတွေဖြစ်လိမ့်မယ်။ တိုက်ပွဲဖြစ်တယ်ဆိုတာတော့ ကွတ်ခိုင်ကအဖွဲ့တွေက ပြောတာပဲ။ ကားတွေလည်း ပုံမှန်တော့သွားနေတာပဲ။ ပြည်ထောင်စုလမ်းမကြီးနဲ့ဝေးလို့ပဲဖြစ်မယ်” ဟု နမ့်ဖက်ကာ ဒေသခံတစ်ဦးက ပြောသည်။

စစ်တပ်အာဏာသိမ်းပြီးနောက် KIA အနေဖြင့် ကချင်ပြည် နယ်တွင်သာမက ရှမ်းမြောက်နှင့် စစ်ကိုင်းတိုင်းရှိ ဒေသအချို့၌ပါ အာဏာသိမ်းစစ်ကောင်စီတပ်ကို ထိုးစစ်ဆင်တိုက်ခိုက်မှုများ မကြာခဏ ပြုလုပ်နေသည်။

ထို့ပြင် စစ်ကိုင်းတိုင်းဒေသကြီးရှိ ပြည်သူ့ကာကွယ်ရေးတပ်ဖွဲ့(PDF)များနှင့် KIA တပ်ဖွဲ့ဝင်များ ပူးပေါင်းပြီးလည်း စစ်ကောင်စီတပ်များကို တိုက်ခိုက်ခဲ့ကြောင်း ထီးချိုင့်နှင့် ကသာ မြို့နယ်တို့မှ PDF က သတင်းထုတ်ပြန်ထားသည်။ (မှတ်ချက်- ပုံအ​ဟောင်းများသာဖြစ်ပါသည်)

You May Also Like

သတင်း

မြတောင်စစ်ဆေးရေးဂိတ်ကို ယနေ့(ဖေဖော်ဝါရီ ၂ရက်) နံနက် ၄နာရီခန့်တွင် KIA နှင့် PDF ပူပေါင်းအဖွဲ့က ဝင်ရောက်တိုက်ခိုက်ခဲ့ခြင်းဖြစ်သည်။

သတင်း

ဇန်နဝါရီလ ၂၄ ရက်နေ့က ဝက်လက်မြို့ထဲမှထွက်လာသည့် မိသားစုတစ်စုလိုက်ပါလာသော အိမ်စီးကားတစ်စီးကို စစ်ကောင်စီတပ်က ပစ်ခတ်ခဲ့၍ ကားပေါ်ပါ တစ်နှစ်အရွယ်ကလေးငယ် သေဆုံးခဲ့ခြင်းဖြစ်ကြောင်း Wetlet Informational Network အဖွဲ့က ပြောသည်။

သတင်း

ရဲဘော် သုံးဦးကျဆုံးခဲ့၍ အထူးဝမ်းနည်းပြီး စစ်ကောင်စီတပ်အား လက်တုံ့ပြန်သွားမည်ဟု BLACK WOLF - ARMY က အသိပေးသည်။

သတင်း

ယနေ့ (ဖေဖော်ဝါရီ ၁ရက်)တွင် ပြည်သူ့နွေဦး တော်လှန်ရေး (၂)နှစ်ပြည့် ထုတ်ပြန်ချက်ထုတ်ပြန်ခဲ့ခြင်းဖြစ်ပြီး တိုက်ပွဲများ၌ ဟားခါး CDF ရဲဘော် ၁၉ဦး ကျဆုံးကာ ၄၁ဦး ဒဏ်ရာရခဲ့ကြောင်း အသိပေးထားသည်။