Connect with us

Hi, what are you looking for?

LuduNwayOo

News

ကောလင်းမြို့နယ်တွင် စစ်ကောင်စီခန့်အုပ်ချုပ်ရေးမှူးများ နုတ်ထွက်စာတင်

အုပ်ချုပ်ရေးမှူးများ နုတ်ထွက်စာတင်ရခြင်းအကြောင်းအရင်းမှာ နိုင်ငံတစ်ဝှမ်းတွင် စစ်ကောင်စီခန့် အုပ်ချုပ်ရေးမှူးများ သတ်ဖြတ်ခံနေရခြင်း သို့မဟုတ် စစ်အာဏာရှင်ကို အုပ်ချုပ်ရေးမှူးများကိုယ်တိုင် မနှစ်သက်ခြင်းကြောင့် ဖြစ်နိုင်သည်ဟု ကောလင်းမြို့ခံက ပြောသည်။

စစ်ကိုင်းတိုင်းဒေသကြီး ကောလင်းမြို့နယ်တွင် စစ်ကောင်စီခန့်အုပ်ချုပ်ရေးမှူးများတာဝန်မှ နုတ်ထွက်ကြောင်း မြို့နယ်အထွေထွေအုပ်ချုပ်ရေးမှူးထံသို့ စာတင်ထားသည်ဟု ဒေသခံတစ်ဦးက ပြောသည်။

ထို့ပြင် ဇူလိုင် ၄ရက် ရက်စွက်ဖြင့် မြို့နယ်ထွေအုပ်ထံသို့ နုတ်ထွက်စာ တင်ထားသည့် အုပ်ချုပ်ရေးမှူးများ၏ တင်ပြစာများလည်း လူမှုကွန်ရက်တွင် ပြန့်နှံ့နေသည်။

ကောလင်းမြို့နယ် ဥက္ကံကျေးရွာအုပ်စု၊ ဆင်ဂေါင်းကျေးရွာအုပ်စု၊ သရက်ချဉ်ကျေးရွာအုပ်စု၊ တဂေါင်းအိုင်ကျေးရွာအုပ်စု၊ ကြို့ပင်ကျေးရွာအုပ်စု၊ မိုးနှံကျေးရွာ အုပ်စု၊ တောင်ကြားကျေးရွာအုပ်စု၊ ယင်းတိုက်ကျေးရွာ အုပ်စု စသည့် ကျေးရွာအုပ်စုများမှ အုပ်ချုပ်ရေးမှူးများက မိမိသဘောဆန္ဒဖြင့် နုတ်ထွက်ခွင့်ပြုရန် စာဖြင့် တင်ပြခြင်းဖြစ်သည်။

ထို့ပြင် အခြားကျေးရွာများမှ အုပ်ချုပ်ရေးမှူးများလည်း နုတ်ထွက်စာတင်ကြကြောင်း ကောလင်းမြို့ခံတစ်ဦးက ပြောသည်။

“နှစ်ဦးတော့တက်တာသိတယ်။ အုပ်စု အုပ်ချုပ်ရေးမှူးက တစ်ဦး။ ရေကန်သာ အုပ်စု အုပ်ချုပ်ရေးမှူးပေါ့။တရားဝင် စာတင်တာပေါ့” ဟု ၎င်းက ဆိုသည်။

အုပ်ချုပ်ရေးမှူးများ နုတ်ထွက်စာတင်ရခြင်းအကြောင်းအရင်းမှာ နိုင်ငံတစ်ဝှမ်းတွင် စစ်ကောင်စီခန့် အုပ်ချုပ်ရေးမှူးများ သတ်ဖြတ်ခံနေရခြင်း သို့မဟုတ် စစ်အာဏာရှင်ကို အုပ်ချုပ်ရေးမှူးများကိုယ်တိုင် မနှစ်သက်ခြင်းကြောင့် ဖြစ်နိုင်သည်ဟု ကောလင်းမြို့ခံက ပြောသည်။

ကောလင်းမြို့နယ်တွင် မြို့နယ် ပြည်သူ့ကာကွယ်ရေးတပ်ဖွဲ့(PDF)ကို ဖွဲ့စည်းထားပြီး စစ်ကောင်စီတပ်ကို စတင်တိုက်ခိုက်လျက်ရှိသည်။

ယခု ဇူလိုင် ၂ရက် နှင့် ၄ရက်တွင် ကောလင်းမြို့နယ်၌ စစ်ကောင်စီတပ်နှင့် PDF အကြား တိုက်ပွဲဖြစ်ပွားမှုရှိခဲ့သည်။

You May Also Like

သတင်း

စစ်ကြောင်းထိုးလာသည့် စစ်ကောင်စီတပ်ကို ဖေဖော်ဝါရီ ၄ ရက် ည ၁၀ နာရီခွဲခန့်တွင်ဖယ်ခုံ PDF တပ် ရင်း( ၂ )၊ ကရင်နီအမျိုးသားများကာကွယ်ရေးတပ်-KNDF တပ်ရင်း (၃) နှင့် URF တို့ ပူးပေါင်းခုခံတိုက်ခိုက်ခဲ့သည်။

သတင်း

KIA တပ်မဟာ(၈)နယ်မြေသို့ စစ်ကောင်စီတပ် ဗုံးကြဲတိုက်ခိုက်မှု၊ မြင်းမူရှိ စစ်ကောင်စီတပ်စခန်းကိုPDF များကတိုက်ခိုက်မီးရှို့မှု၊ ဟုမ္မလင်းဒေသ တိုက်ပွဲသတင်းများကို KIA သတင်းဌာန က ဖော်ပြခဲ့ခြင်းဖြစ်သည်။

သတင်း

ယနေ့(ဖေဖော်ဝါရီ ၅ရက်) ကျရောသည့် (၆၂)နှစ်မြောက် ကချင်တော်လှန်ရေးနေ့သို့ NUG ကာကွယ်ရေးက ဂုဏ်ပြု သဝဏ်လွှာပေးပို့ခဲ့ခြင်းဖြစ်သည်။

သတင်း

မိတ္ထီလာမြို့နယ်၌ စစ်ကောင်စီ အာဏာသိမ်းပြီးနောက်ပိုင်း လောင်းကစားဝိုင်းများလည်း ပိုမိုများပြားလာပြီး နယ်ထိန်းနှင့်အုပ်ချုပ်ရေးမှူးများအား လာဘ်ငွေပေးကာအကြီးအကျယ်ပြုလုပ်နေကြောင်း ဒေသခံများက ပြောသည်။